فیصل آباد پولیس نے موٹر سائیکل چوری میں ملوث گینگ کے 4 ملزمان گرفتار کرلئے

جمعرات 26 جون 2025 17:01

مکوآنہ (اُردو پوائنٹ اخبارتازہ ترین - این این آئی۔ 26 جون2025ء)فیصل آباد پولیس نے موٹر سائیکل چوری میں ملوث گینگ کے 4 ملزمان گرفتار کرلئے۔ تفصیلات کے مطابق کرائم کنٹرول ڈیپارٹمنٹ فیصل آباد کی ٹیم نے موٹر سائیکل چوری میں ملوث گینگ کے 4 ملزمان گرفتار کرلئے۔

(جاری ہے)

ترجمان نے بتایا کہ ایس ایس پی اور ایس پی سی سی ڈی فیصل آباد کی سربراہی میں ایس ایچ او سی سی ڈی فیصل آباد غلام عباس شاہ کی جانب سے جرائم پیشہ عناصر کے خلاف ایک اہم کارروائی عمل میں لائی گئی۔

ایس ایچ او سی سی ڈی نے جدید ٹیکنیکل ذرائع اور انٹیلی جنس بیسڈ معلومات کی مدد سے موٹر سائیکل چوری میں ملوث رمضان وغیرہ 4 کس ملزمان کو گرفتار کر لیا۔گرفتار ملزمان کے قبضے سے لاکھوں روپے مالیت کی 8 چوری شدہ موٹر سائیکلیں برآمد ہوئیں، جو فیصل آباد کے مختلف تھانہ جات کے ایریا سے چوری کی گئی تھیں۔گرفتار ملزمان درجنوں مقدمات میں ریکارڈ یافتہ ہیں،ملزمان سے مزید تفتیش جاری ہے۔