Live Updates

مجھے صرف عمران خان کو مطمئن کرنا ہے، گنڈاپور کا جواب

عمران خان کا اختیار ہے جب کہیں گے ہم حکومت اڑا دیں گے. وزیراعلی کے پی

میاں محمد ندیم جمعرات 26 جون 2025 17:31

مجھے صرف عمران خان کو مطمئن کرنا ہے، گنڈاپور کا جواب

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔26 جون ۔2025 )وزیراعلی خیبرپختونخوا علی امین گنڈا پور نے کہا ہے کہ میں نے عمران خان کو مطمئن کرنا ہے کیونکہ مجھے عہدہ انہوں نے دیا ہے اگر وہ مطمئن ہیں مگر کوئی اور نہیں تو میں ذمہ دار نہیں اسلام آباد ہائیکورٹ میں صحافیوں سے گفتگو کے دوران صحافی نے وزیراعلی کے پی سے سوال کیا کہ علیمہ خان سے آمنا سامنا ہوا،کیا گلے شکوے دور ہوئے؟.

(جاری ہے)

اس پر علی امین نے کہا کہ کون سے گلے شکوے؟ میں عمران خان کو جواب دہ ہوں، وہ میرے لیڈر ہیں انہوں نے کہا کہ میں نے سابق وزیراعظم کو مطمئن کرنا ہے، مجھے عہدہ انہوں نے دیا ہے، اگر وہ مطمئن ہیں مگر کوئی اور نہیں ہے تو میں ذمہ دار نہیں، میں نے اور پارلیمانی پارٹی نے درست طریقے سے پارٹی کے بانی چیئرمین کی سوچ کی عکاسی کی ہے. علی امین کا کہنا تھا کہ عمران خان کا مینڈیٹ اور حکومت میرے پاس ان کی امانت ہے، یہ عمران خان سے ملاقات نہیں کرا رہے تھے، حکومت ختم کرنے کے لیے ایک چال چلی گئی تھی، بجٹ پاس نہ ہوتا تو میں نااہل ہوجاتا، فنانشل ایمرجنسی لگانے کا آئین میں حق ہے وزیراعلی کے پی نے کہا کہ سابق وزیراعظم کی ہدایت نہیں تھی اس حد تک جانا ہے کہ حکومت چلی جائے، عمران خان کا اختیار ہے جب کہیں گے ہم حکومت اڑا دیں گے.