ایمرٹس ایئرلائن کی پروازیں معمولی تعطل کے بعد مکمل طور پر بحال

کراچی (اُردو پوائنٹ اخبارتازہ ترین - این این آئی۔ 26 جون2025ء) ایمرٹس ایئرلائن نے 23 جون کو خطے میں پیش آنے والے واقعات کے بعد صرف چند گھنٹوں میں ہی اپنی پروازیں معمول کے مطابق بحال کر دیں جس کے باعث مسافروں کو بہت کم پریشانی کا سامنا کرنا پڑا، کیونکہ ایئرلائن نے فوری طور پر اپنا ہنگامی منصوبہ فعال کرتے ہوئے نہ تو کسی پرواز کا رخ موڑا، محض کچھ پروازیں منسوخ ہوئیں اور صرف چند پروازوں کو فضائی ٹریفک کے دباؤ کے باعث طویل راستے اختیار کرنے پڑے۔

خطے میں حالات تیزی سے بدلنے کے باوجود، ایمرٹس کے نیٹ ورک پر معمول کے مطابق کام جاری رہا۔ ایمرٹس نے حالیہ دو ہفتوں کے دوران اپنے عالمی نیٹ ورک پر 5,800 سے زائد پروازوں کے ذریعے 17 لاکھ سے زیادہ مسافروں کو انکی منزل مقصود پر پہنچایا۔

(جاری ہے)

ایئرلائن نے متبادل راستوں کے ذریعے تنازع والے علاقوں سے بچتے ہوئے معمول کے مطابق فضائی خدمات فراہم کیں، تاکہ مسافروں کے سفری منصوبے متاثر نہ ہوں اور انہیں ہر حال میں محفوظ، پُراعتماد اور بروقت سفر کی سہولت میسر رہے۔

ایمرٹس نے فوری اقدام کرتے ہوئے صرف اُن علاقوں کی پروازیں معطل کیں جو براہ راست تنازع سے متاثر ہوئے، جبکہ باقی تمام مقامات پر اپنی فضائی خدمات جاری رکھیں۔ عمان اور بیروت کے لیے پروازیں عارضی طور پر معطل کی گئیں، لیکن جلد ہی بحال کر دی گئیں، جس سے ایمرٹس کی یہ صلاحیت ظاہر ہوتی ہے کہ وہ حفاظتی اصولوں کو مقدم رکھنے کے ساتھ ساتھ اپنی پروازوں کو فوری اور مؤثر انداز میں حالات کے مطابق ڈھال سکتا ہے۔

ایمرٹس کے لیے اپنے مسافروں اور عملے کی حفاظت ہمیشہ سب سے مقدم ہے۔ ایئرلائن اس وقت تک اپنی کوئی پرواز روانہ نہیں کرتی جب تک وہ مکمل طور پر محفوظ نہ ہو۔ ایمریٹس کی جانب سے صورتحال پر مسلسل نظر رکھی جاتی ہے، ایوی ایشن حکام کے ساتھ رابطہ رہتا ہے اور تمام پروازوں کے لیے ممکنہ خطرات کا باریک بینی سے جائزہ لیکر تنازع والے علاقوں سے الگ محفوظ راستوں کی طرف پروازوں کا رخ موڑا جاتا ہے جبکہ اس تمام عمل میں عالمی ضوابط پر عمل درآمد کیا جاتا ہے۔

گزشتہ دو ہفتوں کے دوران ایئرلائن نے اپنی ویب سائٹ اور سوشل میڈیا پلیٹ فارمز کے ذریعے مسافروں کو باقاعدہ آپریشنل اپڈیٹس فراہم کیں، جبکہ ریزرویشن ٹیموں نے متاثرہ مسافروں کیلئے متبادل انتظامات میں مدد دی۔ گرمیوں کی تعطیلات کے مصروف سیزن کے آغاز کے ساتھ ہی ایمرٹس نے مسلسل تمام حالات پر گہری نظر رکھی ہوئی ہے، اور وہ متعلقہ حکام سے مسلسل رابطے میں ہے۔

ایئرلائن کی اولین ترجیح ہمیشہ یہی رہے گی کہ اسکی پروازیں محفوظ اور بلا رکاوٹ جاری رہیں، اور بوقت ضرورت فوری اور مناسب اقدامات کئے جائیں تاکہ مسافر پُراعتماد طریقے سے اپنا سفر جاری رکھ سکیں۔ایمرٹس نے ہمیشہ چیلنجز کا بھرپور انداز سے سامنا کیا ہے اور غیرمعمولی خدمات فراہم کرکے محفوظ، بہترین اور پُرآسائش سفر کی روایت کو برقرار رکھا ہے۔ متحدہ عرب امارات کی قیادت نے بنیادی خدمات میں تعاون کی فراہمی کے سلسلے میں ہنگامی حالات سے نمٹنے کے لیے مضبوط نظام قائم کیے ہیں، جو ایمرٹس کو محفوظ اور بلاتعطل آپریشنز کیلئے بااختیار رکھتے ہیں۔