Live Updates

تم عمران خان کو نہیں جھکا سکے تو اب اس کی بہنوں اور بچوں کو نشانہ بنا رہے ہو؟

ہم واضح کرتے ہیں کہ یہ سب کچھ مریم نواز اور ان کی فسطائی حکومت کے حکم پر ہو رہا ہے، یہ انتقامی سیاست کا بدترین مظاہرہ اور سیاسی ٹولے کی گھٹیا ترین بزدلی ہے۔ ترجمان پی ٹی آئی کا علیمہ خان کے بیٹے کے مبینہ اغواء پر ردعمل

ثنااللہ ناگرہ جمعرات 21 اگست 2025 22:31

تم عمران خان کو نہیں جھکا سکے تو اب اس کی بہنوں اور بچوں کو نشانہ بنا ..

اسلام آباد ( اردوپوائنٹ اخبار تازہ ترین۔ آئی پی اے ۔ 21 اگست 2025ء ) ترجمان پاکستان تحریک انصاف نے الزام عائد کیا ہے کہ شاہریز خان کو ان کے بیڈ روم سے اغوا کیا گیا اور ملازمین کو بہیمانہ تشدد کا نشانہ بنایا گیا۔ پی ٹی آئی ایکس پر جاری بیان میں حکومت پر الزام لگایا گیا کہ لاہور میں عمران خان کی ہمشیرہ علیمہ خان کے گھر پر سادہ کپڑوں میں ملبوس مسلح افراد کا انکے بیٹے شاہریز خان کا اغوا کیا گیا۔

یہ جبر کی انتہا ہے کہ گھر کے دروازے توڑ کر ان کے بیٹے شاہریز خان کو انکو بیڈ روم سے اغوا کر لیا گیا۔ اس سے بڑھ کر حکومتی دہشتگردی کی اور کوئی مثال نہیں ہو سکتی۔ ترجمان پی ٹی آئی نے مزید کہا کہ گزشتہ روز ہی شاہریز خان کو اپنی اہلیہ کے ساتھ لاہور ایئرپورٹ سے بیرونِ ملک جانے سے روکا گیا، انکو غیر قانونی طور پر آف لوڈ کیا گیا اور آج ان کو اپنے ہی گھر سے چھوٹے بچوں کے سامنے اٹھا لیا گیا۔

(جاری ہے)

یہ عمل نہ صرف غیر قانونی اور غیر آئینی ہے بلکہ بنیادی انسانی حقوق کی کھلی خلاف ورزی ہے۔ علیمہ خانم اپنے بھائی اور پاکستان کے منتخب وزیرِاعظم عمران خان کی آزادی کے لئے آواز بلند کرتی رہی ہیں۔ ان کے بیٹے شاہریز خان کا کسی بھی قسم کی سیاست یا سیاسی سرگرمی سے کوئی تعلق نہیں۔ صرف اس جرم میں کہ وہ عمران خان کی بہن کے بیٹے ہیں، آج انہیں اغوا کیا گیا۔

پی ٹی آئی نے بغیر ثبوت الزام عائد کیا کہ ہم واضح کرنا چاہتے ہیں کہ یہ سب کچھ مریم نواز اور ان کی فسطائی حکومت کے حکم پر ہو رہا ہے۔ یہ پاگل پن کی انتہا، انتقامی سیاست کا بدترین مظاہرہ اور سیاسی بدبودار لاشوں کے ٹولے کی گھٹیا ترین بزدلی ہے۔ دوسری جانب بانی پی ٹی آئی کی ہمشیرہ علیمہ خان نے کہاہے کہ اسلام آباد ہائیکورٹ نے اس کی ضمانت کیوں نہیں دی انہوں نے جو گواہ پیش کیے اس حوالے عجیب و غریب باتیں ہوئیں، کہا گیا کہ گواہ ٹیبل کے نیچے چھپا ہوا تھا،جنہوں نے جھوٹی گواہیاں دیں انہیں سزا ملنی چاہیے۔

میڈیا سے گفتگو میں انھوں نے کہاکہ اب بانی پی ٹی ائی اور بشری بی بی کا صرف القادر ٹرسٹ کا مقدمہ باقی ہے،سارے اراکین پارلیمنٹ چیف جسٹس اسلام آباد ہائیکورٹ کے پاس آئے، اسلام آباد ہائیکورٹ نے اس حوالے سے کوئی تاریخ نہیں دی، ہماری سپریم کورٹ سے اپیل ہے کہ ہماری اسلام آباد ہائیکورٹ میں شنوائی کروائیں۔