اسرائیلی وزیراعظم پرکرپشن کے سنگین الزامات، ٹرمپ دفاع میں سامنے آگئے

یہ پہلا موقع ہے کہ حاضراسرائیلی وزیراعظم کا ٹرائل کیا جا رہا ہے، امریکی صدرغصے سے آگ بگولا

جمعرات 26 جون 2025 19:29

اسرائیلی وزیراعظم پرکرپشن کے سنگین الزامات، ٹرمپ دفاع میں سامنے آگئے

تل ابیب (اُردو پوائنٹ اخبارتازہ ترین - این این آئی۔ 26 جون2025ء)اسرائیلی وزیر اعظم نیتن یاہو کی کرپشن کے سنگین الزامات میں پیر کو پیشی ہوگی۔ تاہم اس سے قبل امریکی صدر ٹرمپ نیتن یاہو کے دفاع میں سامنے آگئے۔میڈیارپورٹس کے مطابق ڈونلڈ ٹرمپ نے کہا کہ یہ پہلا موقع ہے کہ حاضر اسرائیلی وزیر اعظم کا ٹرائل کیا جا رہا ہے۔ یہ سن کر حیران ہو گیا ہوں کہ اسرائیلی وزیراعظم پر مقدمہ چلایا جا رہا ہے۔

صدر ٹرمپ نے کہا کہ سنا ہے نیتن یاہو کو پیر کے روز عدالت میں طلب کیا گیا ہے، نیتن یاہو مئی2020 سے جاری طویل مقدمے کا سامنا کر رہے ہیں، اسرائیلی ریاست حال ہی میں تاریخ کے ایک عظیم ترین لمحے سے گزری ہے۔امریکی صدر کا کہنا تھا کہ نیتن یاہو اور میں ایران جیسے دشمن سے لڑنے کے مشکل ترین لمحے سے گزرے۔

(جاری ہے)

نیتن یاہو کے ٹرائل کا عمل فوری منسوخ کیا جائے، انہیں معافی دی جائے۔

نیتن یاہو پر متعدد غیرمنصفانہ الزامات لگائے گئے ہیں تاکہ انہیں نقصان پہنچایا جائے، ایک ایسے شخص کے خلاف کارروائی جنہوں نے اتنا کچھ کیا، میرے لیے ناقابل تصور ہے۔انہوں نے یہ بھی کہا کہ نیتن یاہو سے بہتر کوئی نہیں جس نے امریکی صدر کے ساتھ مل کر اتنا کچھ کیا، انصاف کی اس بگڑی ہوئی صورت کی اجازت نہیں دی جاسکتی، یہ امریکا ہی تھا جس نے اسرائیل کو بچایا، اب نیتن یاہو کو بچانے جا رہا ہے۔