شیخ الاسلام ڈاکٹرمحمد طاھرالقادری کی جانب سے آغا مرتضی پویا کے انتقال پر تعزیت کا اظہار

جمعہ 27 جون 2025 19:20

اسلام آباد (اُردو پوائنٹ اخبارتازہ ترین - این این آئی۔ 27 جون2025ء)شیخ الاسلام ڈاکٹر محمد طاھرالقادری کے دیرینہ قریبی ساتھی ، نامور سیاسی و مذہبی رہنما،ممتاٴْز روحانی و علمی شخصیت سابق مرکزی وائس چیرمین پاکستان عوامی تحریک جناب آغا مرتضی پویا رحمہ اللہ علیہ کی نماز جنازہ میں پاکستان عوامی تحریک و تحریک منہاج القران کے وفد نے شرکت کی وفد میں ضلعی صدر پاکستان عوامی تحریک راولپنڈی غلام علی خان ، آرگنائرز پیٹ شمالی پنجاب ملک طاھر جاوید، تحریک منہاج القران راولپنڈی کے نائب صدر مرزا آصف، ڈائریکٹر منہاج ویلفئر فاونڈیشن مظہرالحق قادری، سیکرٹری فنانس شمالی پنجاب بابر مصطفوی، میڈیا سیکرٹری مدثر بن سویت اور دیگر شامل تھے۔

(جاری ہے)

نماز جنازہ بعد نماز جمعہ مسجد و امام بارگاہ الصادق جی نائن 2 اسلام آباد میں ادا کی گئی،غلام علی خان نے مرحوم کے بھائی آغا علی پویا، مرحوم کے فرزند احمد مرتضی پویا کو شیخ الاسلام ڈاکٹر محمد طاھرالقادری کا تعزیتی پیغام پہنچایا ،دریں اثناء ڈاکٹر حسن محی الدین قادری، ڈاکٹر حسین محی الدین قادری ،خرم نواز گنڈا پور، راجہ زاھد محمود ، قاضی شفیق ،نور اللہ صدیقی، عارف چوہدری، عمر دراز خان نے بھی آغا مرتضی پویا کے انتقال پر تعزیت کا اظہار کیا۔