نیوزی لینڈ کا سہ فریقی سیریز کیلئے سکواڈ کا اعلان

قیادت مچل سینٹنر کریں گے‘ ان کیپڈ بلے باز بیون جیکبز کی اعلان کردہ نیوزی لینڈ کے 15 رکنی سکواڈ میں جگہ برقرار

ہفتہ 28 جون 2025 14:12

نیوزی لینڈ کا سہ فریقی سیریز کیلئے سکواڈ کا اعلان

ویلنگٹن(اُردو پوائنٹ اخبارتازہ ترین - این این آئی۔ 28 جون2025ء)نیوزی لینڈ کرکٹ (این زیڈ سی)نے آئندہ ماہ زمبابوے میں شیڈول سہ فریقی سیریز کے لئے 15 رکنی سکواڈ کا اعلان کر دیا ہے۔سہ افریقی سیریز کے لئے نیوزی لینڈ سکواڈ کی قیادت مچل سینٹنر کریں گے۔ ان کیپڈ بلے باز بیون جیکبز نے جنوبی افریقہ اور میزبان زمبابوے پر مشتمل آئندہ ٹی ٹونٹی سہ فریقی سیریز کے لئے اعلان کردہ نیوزی لینڈ کے 15 رکنی سکواڈ میں اپنی جگہ برقرار رکھی ہے۔

فاسٹ باؤلر ایڈم ملن نومبر کے بعد پہلی بار میٹ ہنری کے ساتھ ٹیم میں واپس آئے ہیں، ایڈم ملن نے کندھے کی انجری سے نجات پانے کے بعد ٹیم میں واپسی کی ہے۔ایڈم ملن آئی سی سی چیمپئنز ٹرافی 2025 کے بعد سے ٹیم میں نہیں کھیلے تھے۔دریں اثنا، بین سیئرز انجری کی وجہ سے ٹیم کو دستیاب نہیں ہوں گے،لوکی فرگوسن کو آرام کی غرض سے ٹیم میں شامل نہیں کیا گیا ہے ان کے علاوہ کائل جیمی سن بھی ٹیم کو دستیاب نہیں ہیں کیونکہ ان کیہاں اپنے پہلے بچے کی پیدائش متوقع ہے۔

(جاری ہے)

مزید برآں مایہ ناز بلے باز کین ولیم سن بھی ٹیم میں سامل نہیں ہیں۔یہ دورہ نئے ہیڈ کوچ راب والٹر کی پہلی اسائنمنٹ ہوگی۔ انہوں نے کہا کہ مجھے لگتا ہے کہ اس دورے کے لئیہمارے پاس واقعی ایک مضبوط سکواڈ ہے اور میں ٹیم کو اکٹھا کرنے اور کام میں شامل ہونے کا منتظر ہوں۔انہوں نے مزید کہا یہ جنوبی افریقہ کے ساتھ ایک زبردست ٹی ٹونٹی سہ فریقی سیریز ہوگی جس کے لئے ہم نے بہترین ٹیم کا انتخاب کیا ہے۔

سہ افریقی سیریز کے لئے اعلان کردہ 15 رکنی نیوزی لینڈ سکواڈ کی قیادت مچل سینٹنر کریں گے جبکہ دیگر کھلاڑیوں میں فن ایلن، مائیکل بریسویل، مارک چیپ مین، جیکب ڈفی، زیک فولکس، میٹ ہنری، بیون جیکبز، ایڈم ملنے، ڈیرل مچل، ول اوورکے، گلین فلپس، راچن رویندرا، ٹم سیفرٹ اورایش سودھی شامل ہیں۔نیوزی لینڈ کی ٹیم سہ فریقی سیریز میں اپنی مہم کا آغاز 16 جولائی کو جنوبی افریقا کے خلاف میچ سے کرے گی۔