نئے انٹرنیشنل سیزن کی تیاری کیلئے ویمنز کرکٹرز کی نیشنل کرکٹ اکیڈمی میں ٹریننگ

ٹریننگ کا مقصد آنے والے سیزن سے قبل مہارت میں اضافہ اور فٹنس پر توجہ دینا ہے، اگلا بین الاقوامی اسائنمنٹ دورہ آئرلینڈ ہے

ہفتہ 28 جون 2025 14:39

نئے انٹرنیشنل سیزن کی تیاری کیلئے ویمنز کرکٹرز کی نیشنل کرکٹ اکیڈمی ..

لاہور(اُردو پوائنٹ اخبارتازہ ترین - این این آئی۔ 28 جون2025ء) نئے انٹرنیشنل سیزن کی تیاری کے لیے پاکستان کی خواتین کرکٹرز کی آف سیزن میں بھی نیشنل کرکٹ اکیڈمی میں ٹریننگ جاری ہے۔ٹریننگ کا مقصد آنے والے سیزن سے قبل مہارت میں اضافہ اور فٹنس پر توجہ دینا ہے، پاکستان ویمنز ٹیم کا اگلا بین الاقوامی اسائنمنٹ دورہ آئرلینڈ ہے۔آئرلینڈ کے دورے میں پاکستان ویمنز ٹیم 6 سے 10 اگست تک ڈبلن میں تین میچوں کی ٹی ٹوئنٹی سیریز کھیلے گی۔

پاکستان ویمنز ٹیم 30 ستمبر سے 2 نومبر تک ہونے والے آئی سی سی ویمنز کرکٹ ورلڈ کپ میں بھی حصہ لے گی، پاکستان ویمنز ٹیم اپنے تمام میچ سری لنکا میں کھیلے گی۔آل راؤنڈر عالیہ ریاض نے کہا کہ ہماری کوشش ہے کہ پاکستان کی بہترین نمائندگی کریں۔

(جاری ہے)

سپنر نشرہ سندھو نے کہا کہ سعدیہ اقبال کے عالمی ٹی ٹوئنٹی رینکنگ میں سرفہرست ہونے سے ٹیم کے اندر حوصلہ افزائی کی ایک نئی لہر آئی ہے۔

نشرہ سندھو نے کہا کہ یہ ہم سب کے لیے ایک قابل فخر لمحہ ہے کہ ہم اپنی ٹیم کی ساتھیوں میں ہر ایک کو یہ سنگ میل حاصل کرتے ہوئے دیکھیں۔سعدیہ اقبال نے کہا کہ میں دباؤ میں بھی پُرسکون رہ کر پرفارمنس دینے کی کوشش کرتی ہوں، میں اپنی بولنگ کی مہارت کو بہتر بنانے کے لیے کوچ عبدالرحمان کے ساتھ کام کر رہی ہوں۔انہوں نے کہا کہ کیمپ میں مینز کرکٹرز کے ساتھ ٹریننگ نے میری بولنگ میں مزید نکھار لانے میں اہم کردار ادا کیا ہے۔