اسسٹنٹ کمشنر ڈسکہ کی محرم الحرام کے حوالے سے سکیورٹی انتظامات کے سلسلے میں پاک آرمی کے افسران کو تفصیلی بریفنگ

ہفتہ 28 جون 2025 15:08

سیالکوٹ (اُردو پوائنٹ اخبارتازہ ترین - اے پی پی۔ 28 جون2025ء) اسسٹنٹ کمشنر ڈسکہ عثمان غنی نے محرم الحرام کے حوالے سے سکیورٹی انتظامات کے سلسلے میں پاک آرمی کے افسران کو تفصیلی بریفنگ دی۔ اس موقع پر انہوں نے بتایا کہ جلوسوں کے پرامن اور محفوظ انعقاد کے لیے تمام محکمے الرٹ ہیں اور باہمی رابطے کو یقینی بنایا جا رہا ہے۔

(جاری ہے)

انہوں نے بتایا کہ محرم الحرام کے دوران جلوسوں کے روٹس، مجالس کی جگہوں اور حساس مقامات پر سکیورٹی کے سخت انتظامات کیے جا رہے ہیں جبکہ پولیس، رینجرز اور دیگر سکیورٹی ادارے پہلے ہی اپنی ذمہ داریاں سنبھال چکے ہیں۔

اسسٹنٹ کمشنر نے کہا کہ پاک آرمی سے بھی بھرپور رابطہ قائم ہے اور کسی بھی ہنگامی صورتحال میں فوری ریسپانس کے لیے مکمل پلان تیار ہے۔ اس موقع پر پاک آرمی کے افسران نے بھی ہر ممکن تعاون کی یقین دہانی کروائی۔