پنجاب یونیورسٹی نے انڈرگریجویٹ پروگراموں کے پہلے انٹری ٹیسٹ کے نتائج کا اعلان کردیا

ہفتہ 28 جون 2025 17:40

لاہور (اُردو پوائنٹ اخبارتازہ ترین - اے پی پی۔ 28 جون2025ء) پنجاب یونیورسٹی نے انڈرگریجویٹ پروگرامز کے پہلے انٹری ٹیسٹ کے نتائج کا اعلان کر دیاہے۔ امیدواراپنے ٹیسٹ کا نتیجہ یونیورسٹی ویب سائٹ www.pu.edu.pkپر دیکھ سکتے ہیں۔ ترجمان پنجاب یونیورسٹی کے مطابق پہلے انٹری ٹیسٹ میں 34 ہزار طلبا نے حصہ لیا۔انہوں نے کہا کہ پنجاب یونیورسٹی انڈر گریجویٹ پروگرامز کے دوسرے انٹری ٹیسٹ کی رجسٹریشن جاری ہے۔

انہوں نے کہا کہ سیشن 2025 میں داخلے کے لئے امیدوار 4 جولائی تک انٹری ٹیسٹ کی رجسٹریشن کرا سکتے ہیں۔

(جاری ہے)

پہلے انٹری ٹیسٹ میں شامل ہونے والے امیدوار بھی دوبارہ ٹیسٹ دینے کے اہل ہیں۔ پنجاب یونیورسٹی انڈرگریجویٹ پروگرامز میں داخلوں کے لئے ایڈمشن ٹیسٹ لازمی ہے۔ انہوں نے کہا کہ پنجاب یونیورسٹی میں داخلوں کے لئے دوسرا انٹری ٹیسٹ 20 جولائی کو متوقع ہے جس کا انعقادپاکستان کے تمام بڑے شہروں میں کیا جائے گا۔ یونیورسٹی میں داخلوں کے لئے 25 فیصد نمبر انٹری ٹیسٹ کے لئے مختص ہیں۔ امیدوار اہلیت کے معیار اور دیگر تفصیلات کے لئے ویب سائٹ پر رجوع کریں۔انہوں نے کہا کہ پنجاب یونیورسٹی تمام انڈرگریجویٹ پروگرامز کے لئے 7 مختلف انٹری ٹیسٹ لے گی۔