Live Updates

سیلاب متاثرہ علاقوں میں حفاظتی بندوں کی تعمیر و مرمت مکمل کر لی گئی

وزیراعلیٰ پنجاب کی ہدایت پر مظفرگڑھ سمیت مختلف مقامات پر شگاف پر کر کے بند مضبوط بنا دیے گئے ؑ 33 ہزار 700 فٹ طویل شگاف پر کرنے کا 80 فیصد کام مکمل، باقی مراحل بھی جلد مکمل ہوں گے،حکام

اتوار 28 ستمبر 2025 18:30

سیلاب متاثرہ علاقوں میں حفاظتی بندوں کی تعمیر و مرمت مکمل کر لی گئی

لاہور (اُردو پوائنٹ اخبارتازہ ترین - آن لائن۔ 28 ستمبر2025ء) وزیراعلیٰ پنجاب مریم نواز شریف کی ہدایت پر سیلاب متاثرہ علاقوں میں حفاظتی بندوں کی تعمیر و مرمت ریکارڈ مدت میں مکمل کر لی گئی ہے۔ مظفرگڑھ کے نواحی علاقے نوراجہ بھٹہ بند کی مرمت اور تعمیر مکمل ہو گئی ہے، جہاں سیلاب کے باعث پڑنے والے بڑے شگاف بھر دیے گئے ہیں۔تفصیلات کے مطابق سیلاب سے متاثرہ 1960 فٹ طویل حفاظتی بند کی بحالی کا کام مکمل کیا گیا۔

(جاری ہے)

نوراجہ بھٹہ بند پر 1250 فٹ طویل شگاف پر کر کے اسے 3450 فٹ تک مضبوط بند میں بدل دیا گیا ہے۔ادھر موٹروے کی طرف حافظ والا میں 23 ہزار فٹ ڈسٹری بیوٹری ٹریک کی تعمیر و مرمت مکمل کر لی گئی جبکہ دو سڑکوں پر پڑنے والے 410 فٹ طویل شگاف بھی پر کر دیے گئے ہیں۔مزید برآں سیلاب متاثرہ علاقوں میں 33 ہزار 700 فٹ طویل شگاف پر کرنے کا کام 80 فیصد سے زائد مکمل ہو چکا ہے، باقی ماندہ کام بھی جلد پایہ تکمیل کو پہنچے گا۔علاوہ ازیں چوتھے نہر پر پڑنے والے 283 فٹ طویل شگاف کی مرمت بھی مکمل کر لی گئی ہے۔ حکام کے مطابق ان اقدامات سے مقامی آبادی کو مستقبل میں ممکنہ سیلابی خطرات سے محفوظ رکھنے میں مدد ملے گی۔