امریکی تنظیم غزہ فائونڈیشن آٹے میں نشہ آور گولیوں کا سفوف ملا کر تقسیم کرنے لگی

اتوار 29 جون 2025 11:05

ْ غزہ (اُردو پوائنٹ اخبارتازہ ترین - این این آئی۔ 29 جون2025ء)غزہ کے دو مارچ سے زیر محاصرہ اور عملا قحط کے دہانے پر موجود اہل غزہ کے لیے صرف امریکی و اسرائیلی حمایت یافتہ تنظیم 'غزہ فائونڈیشن' کو ماہ مئی کے اواخر سے خوراک کی تقسیم کی اسرائیلی فوج اجازت دی ہے۔

(جاری ہے)

مگر اس 'غزہ فائونڈیشن' کی طرف سے اہل غزہ میں تقسیم کی جانے والی خوراک بشمول آٹے کے نشہ آور ادویات ملا کر فلسطینیوں کو کھلائی جارہی ہیں۔یہ انکشاف غزہ میں فلسطینیوں کے سرکاری میڈیا آفس نے کیا ۔تاہم ابھی یہ اندازہ نہیں ہے کہ نشہ آور ادویات کے علاوہ کوئی زہریلی ادویات یا کیمیکل بھی سفوف کی شکل میں آٹے میں شامل تو نہیں کیے جارہے ہیں۔ جو انسانی صحت اور زندگی کے لیے خطرناک ثابت ہو سکتے ہوں۔