خیبرپختونخوا،فنڈزکی عدم ادائیگی سے ضم اضلاع کے آؤٹ سورس اسپتالوں کی بندش کا خدشہ

ضم اضلاع کے آؤٹ سورس ہسپتالوں کے ملازمین کو تنخواہوں کی ادائیگیاں بھی نہیں کی گئیں، ذرائع

اتوار 29 جون 2025 17:30

خیبرپختونخوا،فنڈزکی عدم ادائیگی سے ضم اضلاع کے آؤٹ سورس اسپتالوں ..

پشاور (اُردو پوائنٹ اخبارتازہ ترین - این این آئی۔ 29 جون2025ء)خیبرپختونخوا کے ضم اضلاع میں آؤٹ سورس ہسپتالوں کو فنڈز کی عدم ادائیگی کے باعث ہسپتالوں کی بندش کا خدشہ پیدا ہوگیا ہے۔خیبر پختونخواکے ضم اضلاع کے 19 آؤٹ سورس اسپتالوں کو 6 ماہ سے فنڈز نہیں دیے گئے جس کے باعث ہسپتالوں کی بندش کا خدشہ پیدا ہوگیا ہے۔ذرائع کے مطابق محکمہ صحت نے ہسپتالوں کو 1 ارب روپے ادا کرنے ہیں، ضم اضلاع کے آؤٹ سورس ہسپتالوں کے ملازمین کو تنخواہوں کی ادائیگیاں بھی نہیں کی گئیں اور آؤٹ سورس ہسپتالوں کی انتظامیہ کو معیاری خدمات کی فراہمی میں مشکلات کا بھی سامنا ہے۔

(جاری ہے)

اس کے علاوہ پبلک پرائیوٹ پارٹنرشپ کے تحت 10 اضلاع میںہسپتالوں کو آؤٹ سورس کیا گیا تھا، 2022 میں 11 ہسپتالوں کو 5 سال کیلئے آؤٹ سورس کیا گیا۔اس حوالے سے متعلقہ نجی میڈیکل فاؤنڈیشن کے منیجر اکمل خان نے بتایا کہ پیسے نہ ملے تو آؤٹ سورس ہسپتال نہیں چل سکیں گے، صوبائی حکومت سے درخواست ہیکہ آؤٹ سورس اسپتالوں کو فنڈز فراہم کرے۔دوسری جانب خیبرپختونخوا ہیلتھ فاؤنڈیشن ایم ڈی ڈاکٹر عدنان تاج نے بتایا کہ 31 دسمبر 2024 تک آؤٹ سورس اسپتالوں کو تمام فنڈز اور اجرا مکمل ہو چکے، کابینہ کی منظوری کے بعد 15 جولائی سے قبل تمام ادائیگیاں کر دی جائیں گی۔