پاکستان میں نشے میں مبتلا افراد کی تعداد میں تشویشناک حد تک اضافہ

نوجوان نسل مشکلات اور ذہنی دباؤ سے نکلنے کیلئے منشیات کی طرف راغب ہو کر اس دلدل میں پھنس جاتی ہے،ڈاکٹر علی برہان

اتوار 29 جون 2025 17:30

اسلام آباد (اُردو پوائنٹ اخبارتازہ ترین - این این آئی۔ 29 جون2025ء)پاکستان میں نشے میں مبتلا افراد کی تعداد میں تشویشناک حد تک اضافہ دیکھنے میں آ رہا ہے جس میں خواتین کی بڑی تعداد بھی شامل ہے۔پاکستان میں تمباکو، چرس، ہیروئن، آئس اور انجکشن سمیت دیگر منشیات استعمال کرنے والوں کی تعدادمیں تشویشناک حد تک اضافہ ہونے لگا ۔

(جاری ہے)

ایک رپورٹ کے مطابق 2007 میں یہ تعداد 90 ہزار تھی جو اب بڑھ کر 5 لاکھ تک جا پہنچی ہے، پنجاب انسٹی ٹیوٹ آف مینٹل ہیلتھ سائنسز میں ایسے مریضوں کا جدید طریقے سے علاج کیا جاتاہے۔

نجی ٹی وی سے بات کرتے ہوئے ماہر نفسیات ڈاکٹر ثاقب باجوہ نے بتایا کہ حکمران منشیات تیار اور سپلائی کرنے والوں پر قابو پا کر نوجوان نسل کو اس لعنت سے بچاسکتے ہیں۔پروفیسر آف سائیکاٹری ڈاکٹر علی برہان نے کہا کہ نوجوان نسل مشکلات اور ذہنی دباؤ سے نکلنے کیلئے منشیات کی طرف راغب ہو کر اس دلدل میں پھنس جاتی ہے اس حوالے سے طبی ماہرین نے بتایاکہ حکومت اور معاشرے کو نشے کی ہولناکی اور پھیلاؤ میں کمی کے حوالیسے اپناکردار ادا کرنا چاہیے۔