امریکا کے ساتھ مذاکرات اس کی شرائط پر نہیں کریں گے،یورینیم کی افزودگی ہر حال میں جاری رہے گی،ایران

پیر 30 جون 2025 11:20

نیویارک (اُردو پوائنٹ اخبارتازہ ترین - اے پی پی۔ 30 جون2025ء) ایران نے کہا ہے کہ وہ امریکا کے ساتھ مذاکرات اس کی شرائط پر نہیں کرے گا،یورینیم کی افزودگی ہر حال میں جاری رہے گی۔العربیہ کے مطابق یہ بات اقوام متحدہ میں ایران کے مستقل مندوب امیر سعید ایروانی نے امریکی ٹی وی سے گفتگو کے دوران کہی۔

(جاری ہے)

انہوں نے کہا کہ امریکا کے ساتھ بات چیت کے لیے فی الحال حالات سازگار نہیں،ہم ان کی شرائط پر ہر گز مذاکرات نہیں کریں گے۔

مندوب نے اس بات پر زور دیا کہ یورینیم کی افزودگی ہر حال میں جاری رہے گی، ایران کی جانب سے عالمی جوہری توانائی ایجنسی (آئی اے ای اے )کے ڈائریکٹر رافیل گروسی کو کسی قسم کا کوئی خطرہ لاحق نہیں ۔انہوں نے کہا کہ اس وقت ایجنسی کے معائنہ کار ایرانی جوہری تنصیبات تک رسائی حاصل نہیں کر پا رہے ۔