ح*پنجاب پولیس اپنی فورس اور انکے اہل خانہ کی ہیلتھ ویلفیئر کیلئے پرعزم

ھ*پولیس ملازمین، انکے اہلخانہ کے علاج معالجے کیلئے مزید 23 لاکھ 45 ہزار روپے فنڈز جاری

منگل 1 جولائی 2025 20:35

لاہور (اُردو پوائنٹ اخبارتازہ ترین - آن لائن۔ 01 جولائی2025ء) انسپکٹر جنرل پولیس پنجاب ڈاکٹر عثمان انور اپنی فورس اور انکے اہل خانہ کی ہیلتھ ویلفیئر کیلئے پرعزم ہیں جس کے تسلسل میں پولیس ملازمین اور انکے اہلخانہ کے علاج معالجے کیلئے مزید 23 لاکھ 45 ہزار روپے فنڈز جاری کر دیئے۔ ترجمان پنجاب پولیس نے تفصیلات سے آگاہ کرتے ہوئے بتایا کہ سکیورٹی کانسٹیبل ذکا اللہ کو چھاتی کے مرض کے علاج معالجے کیلئے 05 لاکھ روپے فنڈز جاری کیے گئے۔

شہید ٹریفک اسسٹنٹ لیاقت علی خان کی اہلیہ کو جگر کی موذی بیماری کے علاج کیلئے اڑھائی لاکھ روپے دئیے گئے۔اے ایس آئی محمد شاہد علوی کو دل کے عارضہ، دفتری محمد ارشاد کو آنکھوں اور کارپورل تصور عباس کو گردے کی موذی بیماری کے علاج کیلئے فی کس 02 لاکھ روپے فنڈز جاری کیے گئے ہیں۔

(جاری ہے)

سب انسپکٹرز مبشر علی، محمد اسلم، کانسٹیبل محمد رمضان اور ڈرائیور کانسٹیبل صفدر ضمیر کو علاج معالجے کیلئے 01 لاکھ فی کس دئیے گئے۔

اے ایس آئی جاوید اختر، کانسٹیبل عبدالرؤف اور ڈرائیور کانسٹیبل یاسر سہیل کو علاج معالجے کیلئے مجموعی طور پر 03 لاکھ 05 ہزار روپے دئیے گئے۔ اے ایس آئیز افتخار احمد، نعیم عباس، محمد جاوید اور کانسٹیبل جاوید اقبال کو علاج معالجے کی مد میں مجموعی طور پر 02 لاکھ 90 ہزار روپے فنڈز جاری کیے گئے۔ آئی جی پنجاب نے میڈیکل فنانشل اسسٹنس کمیٹی کی سکروٹنی کے بعد فنڈ اجراء کی منظوری دی۔ ڈاکٹر عثمان انور نے کہا کہ مختلف اداروں کے ساتھ ایم او یوز کے تحت بھی ملازمین کو علاج معالجے کی بہترین سہولیات فراہم کر رہے ہیں۔