Live Updates

کمشنر لاہور زید بن مقصود کی لیسکو ہیڈآفس آمد،محرم مانیٹرنگ و انتظامات کا جائزہ لیا

سی او لیسکو انجینئر رمضان بٹ نے محرم انتظامات و لیسکو کے جاری آپریشنز کے بارے میں بریفنگ دی 8، 9اور 10 محرم کے جلوسوں و مجالس کے اوقات کے مطابق بجلی ترسیلی و حفاظتی میکانزم کو فعال رکھا جائے‘کمشنر لاہور

جمعرات 3 جولائی 2025 22:07

لاہور (اُردو پوائنٹ اخبارتازہ ترین - این این آئی۔ 03 جولائی2025ء) کمشنر لاہور زید بن مقصود کی محرم مانیٹرنگ و انتظامات جائزہ کے حوالے سے لیسکو ہیڈ آفس آمد ہوئی ، سی او لیسکو انجینئر محمد رمضان بٹ نے کمشنر لاہور کو خوش آمدید کہا۔ کمشنر لاہور نے محرم الحرام میں لیسکو کی جانب سے کیے گئے انتظامات کا جائزہ لیا۔ سی او لیسکو محمد رمضان بٹ نے محرم انتظامات و لیسکو کے جاری آپریشنز بارے بریفنگ دیتے ہوئے کہا کہ ہر مرکزی جلوس کے ہمراہ ایس ای لیسکو اپنی ٹیم کے ساتھ خود موجود ہوگا، سہولیات کی فراہمی پر کوئی کمپرومائز نہیں۔

جلوس کے دوران بارش کیصورت میں الیکٹریفکیشن سے بچائو کے لئے لیسکو ٹیمز ایڈوانس پارٹی میں موجود ہوں گی۔ سی او لیسکو نے کہا کہ لیسکو مرکزی کنڑول آفس سے محرم کیلئے لیسکو ٹیموں کی مانیٹرنگ و کنٹرولنگ جاری ہے، لیسکو بجلی چوری کیخلاف ایکشنز کیلئے ضلع و سب ڈویژنز سطح پر کام کررہا ہے۔

(جاری ہے)

کمشنر لاہور زید مقصود نے لیسکو انتظامیہ کو ہدایت دیتے ہوئے کہا کہ 9,8اور 10محرم کے جلوسوں و مجالس کے اوقات کے مطابق بجلی ترسیلی و حفاظتی میکانزم کو فعال رکھا جائے، محرم جلوس کے دوران بجلی کی بلا تعطل ترسیل کیلئے بی پلان بیک اپ ناگزیر ہے فوری ریسپانس ضروری ہے، بارش کے دنوں میں بجلی کی تاروں کے گرنے یا کھمبوں میں کرنٹ آنے والے ایریاز کو پیشگی مانیٹر کرائیں۔

کمشنر لاہور نے کہا کہ محرم کے مرکزی جلوسوں کے گرد واسا کی انسٹالیںشنز کو بھی لوڈشیڈنگ سے مبرا رکھا جائے گا۔کمشنر لاہور نے مزید کہا کہ لیسکو کو تمام آپریشنز میں ضلعی انتظامیہ کی سپورٹ ہوگی۔ بجلی چوری قومی خزانے کا نقصان ہے اس کے خلاف بھرپور ایکشن ضروری ہے۔بریفنگ اجلاس میں چیف انجینئر آپریشنز لیسکو ندیم ملک، آپریشنز ڈائریکٹر اعجاز بھٹی، چیف انجینئر ڈویلپمنٹ عمران محمود بھی شریک تھے۔