Live Updates

پی سی بی کا 18 ارب 30 کروڑ روپے کابجٹ منظور

جمعرات 3 جولائی 2025 23:02

اسلام آباد (اُردو پوائنٹ اخبارتازہ ترین - آن لائن۔ 03 جولائی2025ء) چئیرمین کرکٹ بورڈ محسن نقوی کی زیر صدارت پی سی بی کے بورڈ آف گورنرز کا 78 واں اجلاس، مالی برس 26-2025 کے بجٹ تخمینہ جات کی اتفاق رائے سے منظوری، مجموعی طور پر 18 ارب 30 کروڑ روپے کے بجٹ تخمینہ جات کی متفقہ منظوری دی گئی۔ اجلاس میں کرکٹ کے فروغ کیلئے بہترین کارکردگی دکھانے والے ریجن کی ہر سال بھرپور حوصلہ افزائی کا فیصلہ کیا گیا جس کے تحت بہترین پرفارمنس والے ریجن کو ہر سال انعام دیا جائے گا۔

اجلاس میں فیصلہ کیا گیا کہ سٹاف کی پرفارمنس کو باقاعدہ مانیٹر کیا جائے گا۔اجلاس کا مالی سال 25-2024 کے بجٹ استعمال پر اطمینان کا اظہار کیا گیا۔اجلاس میں گزشتہ بورڈ میٹنگ کے فیصلوں کی توثیق کی گئی۔چیف فنانشل آفیسر جاوید مرتضی نے بجٹ کے اہم خدوخال پر بریفنگ دی۔

(جاری ہے)

ممبر بورڈ آف گورنرز انوار غنی نے اجلاس کے اختتام پر دعائے خیر کرائی۔

بورڈ آف گورنرز کے ممبران ظہیر عباس، سجاد علی کھوکھر،ظفر اللہ، طارق سرور، چیف آپریٹنگ آفیسر پی سی بی سمیر احمد، چیف ایگزیکٹو آفیسر پی ایس ایل سلمان نصیر، ڈائریکٹر میڈیا اینڈ کمیونیکیشن عامر میر، ڈائریکٹر ڈومیسٹک کرکٹ عبداللہ خرم نیازی اور ہیڈ وویمنز کرکٹ رافعہ حیدر نے اجلاس میں شرکت کی۔انوار غنی، مصطفے رمدے، دانیال گیلانی، انوار احمد خان، ڈاکٹر شفیع الرحمن اور ڈائریکٹر انٹرنیشنل کرکٹ عثمان واہلہ ویڈیو لنک کے ذریعے اجلاس میں شریک ہوئے۔