پاکپتن ڈسٹرکٹ ہسپتال میں 20 نومولودوں کی ہلاکت سے متعلق ابتدائی رپورٹ تیار

سپتال میں آکسیجن دستیاب نہ ہونے کے شواہد نہیں مل سکے ،آکسیجن کے 45 سلنڈر موجود تھے،ذرائع

جمعہ 4 جولائی 2025 13:22

لاہور(اُردو پوائنٹ اخبارتازہ ترین - این این آئی۔ 04 جولائی2025ء)پاکپتن ڈسٹرکٹ ہسپتال میں20 نومولودوں کی ہلاکت کے معاملے پر محکمہ صحت اور کمشنر ساہیوال نے ابتدائی رپورٹس تیار کرلیں۔ذرائع کے مطابق محکمہ صحت کی رپورٹ میں کہا گیا ہے کہ ان بچوں کی اموات غیرتربیت یافتہ دائیوں اور نجی ہسپتالوں میں آپریشن کے باعث ہوئیں۔

(جاری ہے)

رپورٹس میں بتایا گیا ہے کہ 15 بچے نجی ہسپتال میں پیدا ہوئے مگر حالت بگڑنے پر انہیں سرکاری ہسپتال لایا گیا، 5 بچوں کی ہلاکت غیرتربیت یافتہ دائیوں اور ان کیطریقہ کار سے ہوئی جب کہ ہسپتال لائے گئے بچوں کی مائیں بھی ان کے ساتھ نہیں تھیں۔

ذرائع کے مطابق ہسپتال میں آکسیجن دستیاب نہ ہونے کے شواہد نہیں مل سکے اورہسپتال میں آکسیجن کے 45 سلنڈر موجود تھے۔ذرائع نے بتایاکہ بچوں کی آمد اور علاج کے وقت کا کلینیکل آڈٹ بھی کروایا گیا ہے اور یہ رپورٹس وزیر اعلیٰ مریم نواز کی کو پیش کی جائیں گی۔