پاک فوج عظیم ادارہ ہے جس میں مضبوط خود احتسابی ہے، فوج جو کرتی ہے وہ عوام کے بہتر مفاد میں کرتی ہے، کیپٹن ایمان درانی

فوج میں خود احتسابی کا کڑا،شفاف اور سخت خود کار نظام ہے اور یہ عمل ہر وقت جاری رہتاہےجتنا بڑا عہدہ ہوتا ہے اتنی بڑی ذمہ داری ہوتی ہے، پاک فوج کی کیپٹن ایمان کا ویڈیو کلپ سوشل میڈیا پرخوف وائرل ہورہاہے یہ کلپ مسلسل سوشل میڈیا پر ری ٹوئٹ اور شیئر ہورہا ہے

فیصل علوی جمعہ 4 جولائی 2025 12:41

پاک فوج عظیم ادارہ ہے جس میں مضبوط خود احتسابی ہے، فوج جو کرتی ہے وہ ..

لاہور(اردوپوائنٹ اخبار تازہ ترین۔04جولائی 2025)پاک فوج کی کیپٹن ایمان درانی نے کہا ہے کہ پاک فوج وہ عظیم ادارہ ہے جس میں مضبوط خود احتسابی ہے،فوج جو کرتی ہے وہ عوام کے بہتر مفاد میں کرتی ہے،فوج میں خود احتسابی کاعمل انتہائی سخت ہے، پاک فوج کی کیپٹن ایمان کا ایک ویڈیو کلپ حالیہ دنوں میں سوشل میڈیا پرخوف وائرل ہورہاہے،یہ کلپ مسلسل سوشل میڈیا پر ری ٹوئٹ اور شیئر ہورہاہے۔

یہ الفاظ اور ویڈیو کلپ جس میں پاک فوج کی وردی پہنے کیپٹن ایمان کودیکھا جاسکتاہے۔ طلبہ سے گفتگو کے دوران انتہائی باوقار انداز اور جاندار لہجے میں کپیٹن ایمان نے پاک فوج کی پیشہ ورانہ صلاحیتوں کوبھر پور اجاگر کیا۔ان کا کہنا تھا کہ پاکستان آرمی میں نے ایک اہم کورس ہوتا ہے ”سٹاف کالج“ کا اس میں ایک کتاب ہے 1971 اور1965۔

(جاری ہے)

”سٹاف کالج“ کی کتب میں اپنی تعریفیں نہیں بلکہ خود احتسابی ہے۔

ان کتابوں میں اپنی اپنی تعریفیں نہیں ہیں ان میں احتساب ہے ہر شئے کا احتساب ہے۔ کیپٹن ایمان درانی کا اپنے خطا ب میں مزید یہ بھی کہنا تھا کہ پاک فوج کا ہر افسر ان کتابوں کوپڑھ کر آگے بڑھتاہے کیونکہ اس ادارے میں خوداحتسابی ہے۔کیپٹن ایمان درانی کا یہ بھی کہنا تھا کہ فوج میں خود احتسابی کا کڑا،شفاف اور سخت خود کار نظام ہے اور یہ خود احتسابی کا عمل ہر وقت جاری رہتاہے۔

جتنا بڑا عہدہ ہوتاہے اتنی ہی بڑی ذمہ داری ہوتی ہے۔کپیٹن ایمان نے کہا کہ کبھی یہ نہ سوچیں کہ اس ملک نے ہمیں کیا دیا؟ بلکہ یہ سوچیں کہ ہم نے اس کوملک کوکیادیا؟۔ پاک فوج وہ عظیم ادارہ ہے جس میں مضبوط خود احتسابی ہے۔انہوں نے کہاکہ ہم اس وقت جس مقام پرہیں وہ مشترکہ کوششیں ہیں۔ ہماری فوج جو کرتی ہے وہ صرف اور صرف عوام کے بہتر مفاد میں کرتی ہے۔آج ہم جہاں کھڑے ہیں یہ صرف پاک فوج کی وجہ سے نہیں بلکہ یہ تمام اداروں کی مشترکہ محنت کی وجہ سے ممکن ہوا ہے۔