پاکستان خواتین کرکٹ ٹیم کی کھلاڑیوں کے سکلز اینڈ فٹنس کیمپ کے شیڈول کا اعلان

وویمنز کرکٹرز کا کیمپ 7 جولائی سے 2 اگست تک کراچی میں جاری رہے گا، رپورٹ

جمعہ 4 جولائی 2025 14:30

لاہور(اُردو پوائنٹ اخبارتازہ ترین - این این آئی۔ 04 جولائی2025ء)پاکستان خواتین کرکٹ ٹیم کی کھلاڑیوں کے سکلز اینڈ فٹنس کیمپ کے شیڈول کا اعلان کر دیا گیا ہے،وویمنز کرکٹرز کا کیمپ 7 جولائی سے 2 اگست تک کراچی میں جاری رہے گا۔

(جاری ہے)

پاکستان کرکٹ بورڈ نے 24 خواتین کھلاڑیوں کو سکلز اینڈ فٹنس کیمپ میں بلایا ہے،27 روزہ کیمپ کا انعقاد حنیف محمد ہائی پرفارمنس سنٹر اور اوول گراؤنڈ کراچی میں ہو گا،خواتین کرکٹ ٹیم کا دورہ آئرلینڈ کیلئے تربیتی کیمپ 28 جولائی سے شروع ہوگا اور 2 اگست تک جاری رہنے والے تربیتی کیمپ میں منتخب کردہ ٹیم کی 15 کھلاڑی حصہ لیں گی۔

پری ٹور کیمپ کے لیے 15 رکنی سکواڈ کا انتخاب سلیکشن کمیٹی کریگی۔وویمنز کرکٹ ٹیم 3 اگست کو آئرلینڈ کے دورے پر روانہ ہو گی۔پاکستان اور آئرلینڈ کے درمیان 3 ٹی ٹوئنٹی میچز کی سیریز کھیلی جائے گی۔تینوں میچ کلون ٹرف۔ آئرلینڈ میں کھیلے جائیں گے۔