پنجاب بھر میں غیرقانونی طور پر شیر رکھنے والوں کیلئے کریک ڈائون جاری

صوبہ بھر میں 22مقامات کی انسپیکشن کے دوران 13شیر برآمد، 5افراد گرفتار، مقدمات درج

ہفتہ 5 جولائی 2025 14:22

لاہور(اُردو پوائنٹ اخبارتازہ ترین - این این آئی۔ 05 جولائی2025ء)پنجاب بھرمیں غیر قانونی طور پر گھروں میں شیر رکھنے والوں کے خلاف کریک ڈائون شروع کردیا گیا، صوبہ بھر میں 22مقامات کی انسپیکشن کے دوران 13شیر تحویل میں لے لیے گئے جبکہ 5افراد کو گرفتار کے مقدمات بھی درج کرلیے گئے۔لاہور سمیت پنجاب میں غیر قانونی طور پر گھروں میں شیر رکھنے والوں کیخلاف کارروائی شروع کردی گئی ہیں۔

محکمہ وائلڈ لائف نے صوبہ بھر میں 22مقامات کی انسپیکشن کی، 13شیر تحویل میں لے کر 5افراد کو گرفتار کرلیا گیا، مقدمات بھی درج کرلیے گئے ہیں۔رپورٹ کے مطابق لاہور کے مختلف علاقوں سے 4شیر برآمد کرکے 4افراد کو گرفتار کیا گیا، گوجرانوالہ سے 4شیر پکڑے گئے، ایک ایف آئی آر درج کی گئی ہے جبکہ فیصل آباد سے 2شیر تحویل میں لے کر ایک مقدمہ درج کرلیا گیا اور ملتان میں گھروں سے 3شیر برآمد ہوئے، ایک شخص کو گرفتار کرکے دو ایف آئی آرز درج کرلی گئیں۔

(جاری ہے)

سینئر وزیر پنجاب مریم اورنگزیب کے مطابق جنگلی حیات کا غیر قانونی کاروبار ناقابلِ برداشت ہے، عوامی سلامتی پر سمجھوتہ نہیں ہوگا، غیر قانونی طور پر شیر رکھنا ناصرف جرم ہے بلکہ معاشرتی خطرہ بھی ہے۔انہوں نے کہا کہ وائلڈ لائف قوانین پر سختی سے عمل ہوگا، قانون سے بالاتر کوئی نہیں، زیرو ٹالرنس پالیسی کے تحت پنجاب بھر میں بلاامتیاز کارروائیاں جاری ہیں، عوام سے اپیل ہے کہ غیرقانونی شیروں کی 1107پر اطلاع دیں تاکہ بروقت کارروای کی جاسکے۔