10محرم الحرام کے مرکزی جلوس کے لیے راولپنڈی پولیس کے سخت سیکورٹی انتظامات

00 سے زائد افسران واہلکار سکیورٹی و ٹریفک فرائض سرانجام دیں گے، 1000 سے زائد رضاکار بھی سیکورٹی میں معاونت کریں گے

ہفتہ 5 جولائی 2025 21:15

راولپنڈی (اُردو پوائنٹ اخبارتازہ ترین - این این آئی۔ 05 جولائی2025ء)10محرم الحرام کے مرکزی جلوس کے لیے راولپنڈی پولیس نے سخت سیکورٹی انتظامات ترتیب دے دیئے ، 5500 سے زائد افسران واہلکار سکیورٹی و ٹریفک فرائض سرانجام دیں گے، ٹریفک انتظامات کے لئے 1000 افسران و اہلکار فرائض سرانجام دیں گے، 1000 سے زائد رضاکار بھی سیکورٹی میں معاونت کریں گے، محرم الحرام کے دوران مجموعی طور پر 8000 سے زائد افسران و اہلکار سیکورٹی فرائض سر انجام دے رہے ہیں،2000سیف سٹی و دیگر کیمروں سے مانیٹرنگ کی جا رہی ہے، محرم الحرام کے دوران ضابطہ اخلاق اورحکومت پنجاب کے احکامات پرمکمل عملدرآمد کو یقینی بنایا جائے گا، سی پی او سید خالد ہمدانی ۔

(جاری ہے)

تفصیلات کے مطابق 10محرم الحرام کے مرکزی جلوس کے لیے راولپنڈی پولیس کے سیکورٹی انتظامات، 5500 سے زائد افسران واہلکار سکیورٹی و ٹریفک فرائض سرانجام دیں گے، ٹریفک انتظامات کے لئے 1000 افسران و اہلکار فرائض سرانجام دیں گے، 1000 سے زائد رضاکار بھی سیکورٹی میں معاونت کریں گے، محرم الحرام کے دوران مجموعی طور پر 8000 سے زائد افسران و اہلکار سیکورٹی فرائض سر انجام دے رہے ہیں، سی پی او سید خالد ہمدانی کا کہنا تھا کہ جلوس کے انٹری پوائنٹس پر واک تھرو گیٹس لگائے جائیں گے، جلوس/مجالس میں آنے والے شرکاء کو مکمل باڈی سرچ کے بعد ہی داخلے کی اجازت ہو گی، سیف سٹی راولپنڈی میں مرکزی کنٹرول روم قائم کیا گیا ہے، 2000سیف سٹی و دیگر کیمروں سے مانیٹرنگ کی جا رہی ہے، جلوس کی سیکورٹی کیلئے روف ٹاپ پر ماہر نشانہ باز تعینات ہوں گے، جلوس کے آغاز سے قبل روٹ کی سرچنگ اور سویپنگ کی جائے گی، جلوس کے روٹ پر گلیوں،سڑکوں اور دیگر راستوں کو سیل کیا جائے گا، محرم الحرام کے دوران ضابطہ اخلاق اورحکومت پنجاب کے احکامات پرمکمل عملدرآمد کو یقینی بنایا جائے گا، فول پروف سیکورٹی انتظامات کو یقینی بنانے کے لیے تمام اقدمات کو یقینی بنایا جائے گا۔