ایبٹ آباد،حبیب اللہ کالونی میں 13 سالہ گھریلو ملازمہ کو تشدد اور زیادتی کے بعد قتل کر دیا گیا

ہفتہ 5 جولائی 2025 23:10

ایبٹ آباد (اُردو پوائنٹ اخبارتازہ ترین - اے پی پی۔ 05 جولائی2025ء) ایبٹ آباد کے تھانہ میرپور کی حدود حبیب اللہ کالونی میں 13 سالہ گھریلو ملازمہ کو تشدد اور زیادتی کے بعد قتل کر دیا گیا،پولیس کے مطابق سمندر کھٹہ نگری بالا کے رہائشی شخص کی رپورٹ کے مطابق اس کی 13 سالہ بیٹی جو پچھلے کچھ عرصہ سے حبیب اللہ کالونی سٹریٹ نمبر 9 میں ملزم حارث لطیف ولد شاہد لطیف کے گھر ملازمہ کے طور پر کام کر رہی تھی جسے گزشتہ رات ملزم نے تشدد کر کے قتل کر دیا جبکہ ملزم 13 سالہ بچی کو زیادتی کا نشانہ بھی بناتا رہا جس پر بروقت کاروائی عمل میں لاتے ہوئے میرپور پولیس نے ملزم کو گرفتار کر کے زیر دفعہ 302/376 پی پی سی 53 سی پی اے مقدمہ درج کرتے ہوئے مزید تفتیش کا آغاز کر دیا۔