تھر پارکر،پہاڑی علاقے کی سیر کرنے گئے 11سیاح ریلے میں پھنس گئے، ایک ہلاک

متوفی کی لاش کو مسلسل کوششوں کے بعد بند سے نکالا گیا،تعلق کراچی کے علاقے گارڈن سے

پیر 7 جولائی 2025 16:16

تھرپارکر(اُردو پوائنٹ اخبارتازہ ترین - این این آئی۔ 07 جولائی2025ء)تھر پارکر کے پہاڑی علاقے کارونجھر پر سیر کرنے گئے 11سیاح ریلے میں پھنس گئے۔ریسکیو ذرائع کے مطابق ان 11میں سے 10سیاحوں کو بچا لیا گیا جب کہ ایک شخص ڈوب گیا ، ڈوبنے والے شخص کا تعلق کراچی سے ہے جس کی لاش مل گئی۔

(جاری ہے)

متوفی کی لاش کو مسلسل کوششوں کے بعد بند سے نکالا گیا، جاں بحق شخص کا تعلق کراچی کے علاقے گارڈن سے ہے۔پولیس نے بتایاکہ ریسکیو کیے گئے 3افراد کا تعلق کراچی اور7کا مٹھی سے ہے۔