متعدد تجارتی معاہدوں کے نزدیک ہیں، امریکی وزیرِ خزانہ

ٹرمپ انتظامیہ 100 چھوٹے ممالک کو خطوط بھیجے گی جن کے ساتھ تجارتی سرگرمیاں کم ہیں،گفتگو

پیر 7 جولائی 2025 16:53

واشنگٹن (اُردو پوائنٹ اخبارتازہ ترین - این این آئی۔ 07 جولائی2025ء)امریکی وزیرِ خزانہ اسکاٹ بیسینٹ نے کہا ہے کہ امریکا متعدد تجارتی معاہدوں کے نزدیک ہے، تجارتی معاہدوں سے متعلق کچھ بڑے اعلانات آئندہ چند روز میں متوقع ہیں۔

(جاری ہے)

امریکی میڈیا کو انٹرویو دیتے ہوئے وزیرِ خزانہ نے کہا کہ ٹرمپ انتظامیہ 100 چھوٹے ممالک کو خطوط بھیجے گی جن کے ساتھ تجارتی سرگرمیاں کم ہیں۔انہوں نے کہا کہ امریکی حکومت کی جانب سے بھیجے جانے والے خطوط میں ان ممالک سے تجارتی معاملات پر بات چیت کرنے کا کہا جائے گا اور کہا جائے گا کہ بات چیت آگے نہ بڑھائی تو ان پر ٹیکس واپس 2 اپریل کی سطح پر پہنچ جائیں گے۔ٹرمپ انتظامیہ نے دنیا بھر کے ممالک پر اضافی تجارتی ٹیکسوں کا اطلاق 9 جولائی تک روکا ہوا ہے۔