سعودی عرب ،نجاح العازمی ریجنل ادارہ صحت کی پہلی خاتون ڈائریکٹر مقرر

پیر 7 جولائی 2025 17:22

ریاض(اُردو پوائنٹ اخبارتازہ ترین - این این آئی۔ 07 جولائی2025ء)سعودی عرب کے معاون وزیر برائے ہیلتھ سروسز ڈاکٹر محمد العبدالعالی نے نجاح فلاح العازمی کو القریات ریجن کے ادارہ صحت کی ڈائریکٹر مقرر کردیا۔

(جاری ہے)

عرب ٹی وی کے مطابق مملکت کی سطح پراس عہدے پر کسی بھی خاتون کی پہلی تقرری ہے۔ نو تعینات ریجنل ڈائریکٹر صحت نجاح العازمی نے کہا ہے کہ تقرری میرے لیے باعث فخر ہے دعا گو ہوں کہ وطن کی خدمت احسن طریقے سے انجام دوں اور جس منصب کے لیے مجھے منتخب کیا گیا ہے اسے بہتر طریقے سے نبھائوں۔