حرمین شریفین کے امور کی جنرل اتھارٹی نے مسجد نبوی ﷺکا انٹر ایکٹیو نقشہ جاری کر دیا

پیر 7 جولائی 2025 21:49

ریاض(اُردو پوائنٹ اخبارتازہ ترین - این این آئی۔ 07 جولائی2025ء)مسجد الحرام اور مسجد نبوی کے امور کی جنرل اتھارٹی نے مسجد نبوی، اس کے صحنوں اور متعلقہ سہولیات کا ایک متعامل نقشہ جاری کر دیا ہے، جس کا مقصد زائرین اور نمازیوں کو مسجد کے مختلف مقامات اور خدمات تک آسانی سے رسائی فراہم کرنا ہے۔

(جاری ہے)

عرب ٹی وی کے مطابق اتھارٹی نے کہا کہ یہ اقدام مسجد نبوی میں آنے والوں کے تجربے کو بہتر بنانے کی کوششوں کا حصہ ہے، جس میں جدید ڈیجیٹل خدمات فراہم کی جا رہی ہیں تاکہ زائرین کی ضروریات کے مطابق رہنمائی اور معلوماتی سہولتوں کو مزید موثر بنایا جا سکے۔اتھارٹی نے زائرین کو دعوت دی کہ وہ اس متعامل نقشے سے فائدہ اٹھائیں، جسے ایک مخصوص لنک کے ذریعے استعمال کیا جا سکتا ہے۔