پاکستان کی ڈیجیٹل معیشت کو فروغ دینے میں ایس آئی ایف سی کا کلیدی کردار

پیر 7 جولائی 2025 22:57

اسلام ا آباد (اُردو پوائنٹ اخبارتازہ ترین - آن لائن۔ 07 جولائی2025ء) پاکستان کی ڈیجیٹل معیشت کو نئی بلندیوں تک پہنچانے میں ایس آئی ایف سی نے اہم کردار ادا کیا ہے۔ ایس آئی ایف سی کی مسلسل کاوشوں اور معاونت کی بدولت آئی ٹی اور ٹیلی کام کے شعبے میں نمایاں ترقی ہوئی ہے جس سے نہ صرف ملکی بلکہ عالمی سطح پر پاکستان کی موجودگی مضبوط ہوئی ہے۔ ایس آئی ایف سی کے تعاون سے پاکستان میں 2 لاکھ سے زائد گریجویٹس کو جدید آئی ٹی اسکلز کی تربیت فراہم کی گئی، جس سے ملک میں روزگار کے نئے مواقع پیدا ہوئے ہیں۔

(جاری ہے)

اس کے علاوہ، عالمی کمپنیوں کی سرمایہ کاری اور جدید ٹیکنالوجی انفراسٹرکچر کے قیام سے آئی ٹی سیکٹر میں انقلاب برپا ہوا ہے۔ آئی ٹی سیکٹر کی ترقی نے بین الاقوامی لین دین اور فری لانسرز کے لیے بھی نئی راہیں ہموار کی ہیں۔ ایس آئی ایف سی کی سرپرستی میں جدید آئی ٹی پارکس کی تعمیر اور عالمی سطح پر اسٹارٹ اپس تک رسائی ممکن ہوئی ہے، جس سے پاکستانی آئی ٹی سیکٹر کا نام دنیا بھر میں بلند ہوا ہے۔ یہ تمام اقدامات ملک کی ڈیجیٹل معیشت کو مستحکم کرنے اور عالمی مارکیٹ میں پاکستان کی اہمیت بڑھانے میں کلیدی حیثیت رکھتے ہیں۔ ایس آئی ایف سی کا کردار اس شعبے میں انقلابی تبدیلیوں کا باعث قرار دیا جا رہا ہی-