لاہور ایئرپورٹ پر ترکی ایئرلائن کی ہنگامی لینڈنگ، فنی خرابی سے مسافر خوفزدہ

استنبول جانے والی پرواز میں فنی خرابی کے باعث فوری واپسی، تمام مسافر بحفاظت اتار لیے گئے

پیر 7 جولائی 2025 23:08

لاہور ایئرپورٹ پر ترکی ایئرلائن کی ہنگامی لینڈنگ، فنی خرابی سے مسافر ..

لاہور (اُردو پوائنٹ اخبارتازہ ترین - آن لائن۔ 07 جولائی2025ء) علامہ اقبال انٹرنیشنل ایئرپورٹ پر ترکی ایئرلائن کی استنبول جانے والی پرواز کو ٹیک آف کے فوراً بعد فنی خرابی کے باعث ہنگامی طور پر لینڈنگ کرنا پڑی۔ فنی خرابی کے باعث طیارے میں سوار مسافر خوفزدہ ہو گئے۔

(جاری ہے)

ایئرپورٹ ذرائع کے مطابق جیسے ہی پرواز نے روانگی اختیار کی، طیارے میں فنی خرابی سامنے آئی، جس پر پائلٹ نے فوری طور پر ایئر ٹریفک کنٹرولر سے رابطہ کیا اور واپسی کی اجازت طلب کی۔

ایئر ٹریفک کنٹرول کی طرف سے اجازت ملنے کے بعد پائلٹ نے طیارے کو مہارت اور ذمہ داری کے ساتھ بحفاظت واپس لاہور ایئرپورٹ پر اتار لیا۔لینڈنگ کے بعد طیارے کو پارکنگ ایریا میں منتقل کر دیا گیا، جہاں ایئرکرافٹ انجینئرز کی ٹیم نے طیارے کا تکنیکی معائنہ شروع کر دیا ہے۔ پرواز میں موجود تمام مسافروں کو بخیر و عافیت طیارے سے اُتار کر لاو?نج میں منتقل کر دیا گیا ہے، جہاں وہ پرواز کے متعلق اگلے اعلان کے منتظر ہیں۔