سیالکوٹ، پولیس موبائل خدمت مرکز وین سے شہریوں نے 14 مختلف سہولیات سے استفادہ کیا

پیر 7 جولائی 2025 19:30

سیالکوٹ (اُردو پوائنٹ اخبارتازہ ترین - اے پی پی۔ 07 جولائی2025ء) سیالکوٹ پولیس موبائل خدمت مرکز وین سے نیکاپورہ سکول نمبر 2 کے شہریوں نے 14 مختلف سہولیات سے استفادہ حاصل کیا۔

(جاری ہے)

ترجمان پولیس کے مطابق سیالکوٹ کے علاقے نیکاپورہ سکول نمبر 2 میں پولیس موبائل خدمت مرکز وین نے عوام کو خدمات فراہم کیں،اس دوران عوام کو ایک ہی چھت تلے 14 سہولیات فراہم کی گئیں جن میں لرنرز ڈرائیونگ پرمٹ، کریکٹر سرٹیفکیٹ، وہیکل کلیئرنس سرٹیفکیٹ، تجدید ڈرائیونگ لائسنس، انٹرنیشنل ڈرائیونگ پرمٹ، جنرل پولیس سروسز، گمشدگی دستاویزات، اندراج کرایہ دار، تجدید ڈرائیونگ لائسنس، قانونی رہنمائی برائے تحفظ خواتین، اندراج ملازم، جرم کی اطلاع، ایف آئی آر کاپی اور گمشدہ بچوں کی اطلاع شامل تھیں۔