دو نامعلوم ڈاکو فائرنگ کے تبادلہ میں ہلاک، ڈی پی او کی اہل کاروں کو شاباش

منگل 8 جولائی 2025 10:10

رحیم یارخان (اُردو پوائنٹ اخبارتازہ ترین - اے پی پی۔ 08 جولائی2025ء) تھانہ صدر رحیم یارخان پولیس اور ڈاکوؤں کے درمیان فائرنگ کا تبادلہ ہوا جس میں دو ڈاکو ہلاک ہو گئے ۔ ترجمان پولیس کے مطابق پولیس پارٹی نے دوران گشت مشکوک موٹر سائیکل سواروں کو روکنے کی کوشش کی تو مسلح ڈاکوؤں نے فائرنگ کر دی ۔

(جاری ہے)

فائرنگ کے تبادلے کے دوران دو نامعلوم ڈاکو ہلاک ہو گئے ۔ ہلاک ڈاکوؤں کے قبضہ سے ناجائز اسلحہ پسٹل 30بور اور متعدد گولیاں بھی برآمد کی گئیں ہیں ، ہلاک ڈاکوؤں کی نعش ہسپتال منتقل کرکے مزید قانونی کارروائی عمل میں لائی جا رہی ہے ۔ ترجمان نے مزید بتایا کہ ڈی پی او عرفان علی سموں کی پولیس ٹیم کو کوئیک رسپانس پر شاباش دی ہے۔\378