تحریک لبیک کے لبیک اقصی مارچ میں پنجاب حکومت طاقت کا استعمال نہ کرے، بلال سلیم قادری

ہفتہ 11 اکتوبر 2025 22:18

کراچی (اُردو پوائنٹ اخبارتازہ ترین - این این آئی۔ 11 اکتوبر2025ء) مرکزی مرکزی سیکرٹری جنرل پاکستان سنی تحریک صاحبزادہ علامہ بلال سلیم قادری شامی نے تحریک لبیک کے لبیک اقصی مارچ میں پرتشدد واقعات کی شدید مذمت کرتے ہوئے کہا کہ تحریک لبیک کے لبیک اقصی مارچ کے شرکا پر پنجاب حکومت طاقت کا استعمال نہ کرے۔ مارچ کے شرکا پر گولیاں چلانے اور تشدد سے گریز کیا جائے، تمام معاملات کو مذاکرات کے ذریعے حل کیا جائے۔

حکومت کی ذمہ داری ہے کہ صورتحال کو سنجیدگی اور بردباری سے سنبھالا جائے۔

(جاری ہے)

تمام معاملات کو افہام و تفہیم اور مذاکرات کے ذریعے پرامن طور پر حل کیا جائے تاکہ کسی ناخوشگوار صورتحال سے بچا جا سکے۔پرامن احتجاج ہر شہری کا جمہوری حق ہے،حکومت کی ذمہ داری ہے کہ حالات کو تحمل اور بردباری سے سنبھالا جائے۔بلال سلیم قادری کامزید کہنا تھا کہ پاکستان سنی تحریک پرامن سیاسی اور مذہبی جدوجہد پر یقین رکھتی ہے،اور کسی بھی قسم کے جبر یا طاقت کے استعمال کی مذمت کرتی ہے۔موجودہ صورتحال کو سنجیدگی اور دانشمندی کے ساتھ سنبھالنا وقت کی ضرورت ہے تاکہ امن و امان کی فضا برقرار رہے۔