راولپنڈی پولیس کی کارروائیاں، چھ افراد گرفتار ، تین کلو سے زائد چرس اور اسلحہ معہ ایمونیشن برآمد

ہفتہ 11 اکتوبر 2025 21:25

راولپنڈی(اُردو پوائنٹ اخبارتازہ ترین - این این آئی۔ 11 اکتوبر2025ء) راولپنڈی پولیس کی کارروائیاں، 06 افراد کو حراست میں لے کر 03 کلو سے زائد چرس اور اسلحہ معہ ایمونیشن برآمد کر لیا۔

(جاری ہے)

تفصیلات کے مطابق رتہ امرال پولیس نے تین افراد کو حراست میں لے کر 01 کلو 680 گرام چرس اور اسلحہ معہ ایمونیشن، چکلالہ پولیس نے ایک فرد کو حراست میں لے کر 01 کلو 600 گرام چرس برآمد کی، ٹیکسلا پولیس نے ایک فرد کو حراست میں لے کر اسلحہ معہ ایمونیشن، دھمیال پولیس نے ایک فرد کو حراست میں لے کر اسلحہ معہ ایمونیشن برآمد کر کے الگ الگ مقدمات درج کر لیے، ڈویژنل ایس پیز کا کہنا تھا کہ منشیات اور ناجائز اسلحہ رکھنے والے افراد کے خلاف کریک ڈائون جاری رہے گا۔