بھارت، سکھ کبڈی کھلاڑی کی مسخ شدہ نعش برآمد

26 سالہ گربھیج سنگھ کی لاش اتوار کو ایک سٹور سے برآمد ہوئی تھی، لاش دو روز بعد لواحقین کے حوالے کی گئی

ذیشان مہتاب بدھ 9 جولائی 2025 13:33

بھارت، سکھ کبڈی کھلاڑی کی مسخ شدہ نعش برآمد

جالندھر (اردو پوائنٹ تازہ ترین اخبار ۔ 9 جولائی 2025ء ) پنجاب کے شہر جالندھر سے 26 سالہ سکھ کبڈی کھلاڑی گربھیج سنگھ عرف بھیجا کی مسخ شدہ لاش برآمد ہوئی ہے۔

کشمیرمیڈیا سروس کے مطابق گربھیج سنگھ عرف بھیجا شاہ کوٹ کے گائو ں باجوہ کلاں سے تعلق رکھنے والا کبڈی کا مشہور کھلاڑی تھا۔

پولیس نے سکھ کبڈی کھلاڑی کے قتل پر سخت عوامی ردعمل کے خوف سے معاملے کو دو روز تک چھپائے رکھا۔

(جاری ہے)

کھلاڑی کی لاش اتوار کو ایک سٹور سے برآمد ہوئی تھی، لاش دو روز بعد لواحقین کے حوالے کی گئی۔

وہ ایک جم میں کام کرتا تھا، گھر والوں نے اس کی گمشدگی کی اطلاع پولیس کو دی تھی۔

شاہکوٹ کے ڈی ایس پی اونکار سنگھ برار نے کہا ہے کہ امکان ہے کہ کھلاڑی کی موت کسی زہریلے کیڑے یا سانپ کے ڈسنے سے ہوئی ہو تاہم کھلاڑی کے اہل خانہ کو شبہ ہے کہ گربھیج کو قتل کیا گیا ہے۔