پاکستان کیساتھ ون ڈے سیریز، جنوبی افریقی ویمنز ٹیم (کل) لاہور پہنچے گی

بدھ 10 ستمبر 2025 21:14

لاہور(اُردو پوائنٹ اخبارتازہ ترین - این این آئی۔ 10 ستمبر2025ء)پاکستان کے خلاف ون ڈے سیریز کے لیے جنوبی افریقا کی ویمنز کرکٹ ٹیم (کل) جمعرات کو رات لاہور پہنچے گی۔تفصیلات کے مطابق دستے کے 25 ارکان کی (آج) جمعرات کی رات لاہور آمد طے ہے جبکہ پانچ ارکان جمعہ کی صبح لاہور پہنچیں گے۔

(جاری ہے)

پاکستان اور جنوبی افریقا ویمنز کے درمیان تین ون ڈے میچز کی میزبانی قذافی اسٹیڈیم کرے گا، میچ دن ساڑھے تین بجے شروع ہوگا۔

پہلا ون ڈے میچ 16 ستمبر، دوسرا 19 اور تیسرا میچ 22 ستمبر کو کھیلا جائے گا۔ میچ دیکھنے کی خواہشمند فیملیز کے لیے داخلہ مفت کیے جانے کا امکان ہے۔دونوں ٹیمیں سیریز مکمل ہونے کے بعد آئی سی سی ویمنز ورلڈ کپ میں حصہ لیں گی جو بھارت اور سری لنکا میں کھیلا جائے گا۔پاکستانی ٹیم اپنے تمام میچز سری لنکا میں کھیلے گی۔