شان مسعود نے فرسٹ کلاس میں اہم کارنامہ سرانجام دیتے ہوئے 12 ہزار رنز مکمل کر لیے

بدھ 10 ستمبر 2025 21:14

اسلام آباد(اُردو پوائنٹ اخبارتازہ ترین - این این آئی۔ 10 ستمبر2025ء) پاکستان ٹیسٹ ٹیم کے کپتان شان مسعود نے فرسٹ کلاس میں اہم کارنامہ سرانجام دیتے ہوئے 12 ہزار رنز مکمل کر لیے ہیں۔لیف آرم ٹاپ آرڈر بلے باز شان مسعود نے کاؤنٹی کرکٹ میں گلوسٹر شائر کیخلاف لیسٹر شائر کی نمائندگی کرتے یہ اعزاز اٴْس وقت اپنے نام کیا، جب وہ 80 کے انفرادی اسکور پر کھیل رہے تھے۔

(جاری ہے)

فرسٹ کلاس کرکٹ میں 12 ہزار رنز کا ہندسہ عبور کرنے کے بعد وہ مجموعی طور پر 43ویں پاکستانی بیٹر بھی بن گئے ہیں۔شان مسعود نے گلوسٹر شائر کے خلاف اس میچ میں شاندار 111 رنز کی اننگز کھیلی۔ٹاپ آرڈر بلے باز نے رواں سیزن میں لیسٹر شائر کی 9 فرسٹ کلاس میچز میں نمائندگی کرتے ہوئے 511 رنز اسکور کیے، اس دوران انہوں نے 3 ففٹیز اور 2 سنچریاں بھی اسکور کیں۔