رکن بلوچستان اسمبلی پرنس آغاعمر جان احمدزئی کی کوششوں سے گرگناڑی اور شاہوانی قبیلوں کے درمیان خونی تنازعہ کا تصفیہ ہوگیا

بدھ 9 جولائی 2025 20:00

کوئٹہ (اُردو پوائنٹ اخبارتازہ ترین - اے پی پی۔ 09 جولائی2025ء) رکن اسمبلی پرنس آغاعمر جان احمدزئی کی کوششوں سے گرگناڑی اور شاہوانی قبیلوں کے درمیان خونی تنازعہ کا تصفیہ ہوگیا۔

(جاری ہے)

واضح رہے کہ گرگناڑی اور شاہوانی قبیلوں کے درمیان خونی جھگڑے کی وجہ سے تنازعہ چلا آرہاتھا اس سلسلے میں رکن بلوچستان اسمبلی پرنس آغاعمرجان احمدزئی کی خیر خواہی میں گرگناڑی و شاہوانی قبائل کا جرگہ قلات ہائوس کوئٹہ میں منعقد ہوا جرگے میں چیف آف بیرک نواب محمد خان شاہوانی ،سردار سخی بھائی خان سمالانی ،سردارزادہ میر شاہجہان گرگناڑی ،میر پسند خان شاہوانی ،ٹکری جمعہ خان سمالانی ،ملک جہانگیر خان شاہوانی ،ملک عبدالواجد شاہوانی ،ٹکری میر احمد گرگناڑی، حاجی میرصدام بنگلزئی سمیت دونوں قبائل کے معتبرین موجود تھے ۔

رکن بلوچستان اسمبلی پرنس آغاعمرجان احمدزئی کے خیر خواہی میں گرگناڑی و شاھوانی قبائل کے مابین دیرینہ خونی تنازعہ کا تصفیہ کرکے دونوں فریقین کو شیر و شکر کیا ۔