ورکرز ویلفیئر بورڈ خیبر پختونخوا کے 105ویں بورڈ کے اجلاس میں عوامی مفاد میں بڑا فیصلہ،11 تعلیمی اداروں کی ریگولر حیثیت بحال

بدھ 9 جولائی 2025 20:20

پشاور (اُردو پوائنٹ اخبارتازہ ترین - اے پی پی۔ 09 جولائی2025ء) خیبر پختونخوا کے مختلف اضلاع میں واقع 11 ٹیکنیکل تعلیمی اداروں کی بندش کا سابقہ فیصلہ واپس لیتے ہوئے ان 11 اداروں کی ریگولر حیثیت بحال کر دی گئی ہے۔ورکرز ویلفیئر بورڈ سے جاری اعلامیہ کے مطابق یہ فیصلہ ورکرز ویلفیئر بورڈ خیبر پختونخوا کے 105ویں بورڈ اجلاس میں کیاگیا اور بعد ازاں مجاز اتھارٹی سے منظوری حاصل کرنے کے بعد باضابطہ طور پر نافذ العمل ہوا ۔

(جاری ہے)

اعلامیہ کے مطابق 11بحال ہونے والے ٹیکنیکل اداروں میں گورنمنٹ پولی ٹیکنک انسٹیٹیوٹ پشاور، گورنمنٹ پولی ٹیکنک انسٹیٹیوٹ ڈیرہ اسماعیل خان، گورنمنٹ پولی ٹیکنک انسٹیٹیوٹ ٹانک،گورنمنٹ مونو ٹیک انسٹیٹیوٹ امان گڑھ، گورنمنٹ مونو ٹیک انسٹیٹیوٹ اکوڑہ خٹک، گورنمنٹ مونو ٹیک انسٹیٹیوٹ مردان، گورنمنٹ مونو ٹیک انسٹیٹیوٹ چارسدہ، گورنمنٹ مونو ٹیک انسٹیٹیوٹ گدون آمازئی، گورنمنٹ مونو ٹیک انسٹیٹیوٹ سوات، گورنمنٹ مونو ٹیک انسٹیٹیوٹ حطار اور گورنمنٹ مونو ٹیک انسٹیٹیوٹ بنوں شامل ہیں۔