حج 2026ء کی رجسٹریشن کی آخری تاریخ میں توسیع کا اعلان

نامزد بینکوں اور وزارت کے آن لائن پورٹل پر حج رجسٹریشن دو دن کی توسیع کے بعد اب 11جولائی تک جاری رہے گی

بدھ 9 جولائی 2025 21:15

حج 2026ء کی رجسٹریشن کی آخری تاریخ میں توسیع کا اعلان

اسلام آباد (اُردو پوائنٹ اخبارتازہ ترین - این این آئی۔ 09 جولائی2025ء) حکومت نے حج 2026ء کی رجسٹریشن کی آخری تاریخ میں دو دن کی توسیع کا اعلان کر دیا۔ ترجمان وزارت مذہبی امور کے مطابق نامزد بینکوں اور وزارت کے آن لائن پورٹل پر حج رجسٹریشن دو دن کی توسیع کے بعد اب 11جولائی تک جاری رہے گی۔

(جاری ہے)

وزارت مذہبی امور نے عازمینِ حج کی درخواست پر رجسٹریشن کا عمل جمعہ کے روز تک جاری رکھنے کا فیصلہ کی اہے۔ترجمان کے مطابق اب تک 3لاکھ 13ہزار افراد نے آئندہ سال حج کی رجسٹریشن مکمل کی ہے۔ترجمان وزارت مذہبی امور نے کہا ہے کہ حج 2026ء کے اخراجات اور دیگر شرائط و ضوابط حج پالیسی کے مطابق الگ سے جاری کیے جائیں گے۔