وزیراعلیٰ کی ہدایت پرپنجاب بھرمیں مون سون شجرکاری مہم کے لئے تیاریاں مکمل

مہم کے لئے مقامی درختوں کی لاکھوں اقسام کی افزائش مکمل ہو چکی ہے‘ سینئر وزیر مریم اورنگزیب

جمعرات 10 جولائی 2025 12:15

لاہور(اُردو پوائنٹ اخبارتازہ ترین - این این آئی۔ 10 جولائی2025ء)وزیراعلی پنجاب مریم نواز کی ہدایت پراسموگ اورکلائمیٹ چینج کے اثرات میں کمی کے لئے پنجاب بھرمیں مون سون شجرکاری مہم کے لئے تیاریاں مکمل کرلی گئیں۔سینئر وزیرپنجاب مریم اورنگزیب کے مطابق پنجاب حکومت کے اقدامات کلائمیٹ ایکشن ایجنڈے کے تحت عالمی ماحولیاتی اہداف سے ہم آہنگ ہے۔

کمالیہ میں شجرکاری کے لئی60 ایکڑ پر نرسری کا قیام اور مقامی درختوں کی لاکھوں اقسام کی افزائش مکمل ہوگئی ہے۔

(جاری ہے)

نرسری میں شیشم، سمبل، سریس اورشہتوت کے قدرتی اور ماحول دوست درخت اگائے جا رہے ہیں۔مریم اورنگزیب نے کہاکہ فی ایکڑ 40 ہزار شیشم و شہتوت، 20 ہزار سمبل و سریس کی افزائش کی گئی ہے ،شجر کاری مہم سے گرین کور میں واضح اضافہ متوقع ہے۔مریم اورنگزیب کے مطابق مون سون شجرکاری سے درجہ حرارت میں کمی، زمینی کٹا ئوکی روک تھام اور ہوا کے معیار میں بہتری آئے گی۔ سی ایم پی پی منصوبہ مقامی بایو ڈائیورسٹی کے تحفظ، زمینی نمی برقرار رکھنے اور موسمی شدت کم کرنے میں اہم کردار ادا کرے گا۔