حوثیوں کا کارگو بحری جہاز پر حملہ، 4 افراد ہلاک، 15 لاپتہ

بحری جہاز ایٹرنٹی سی پر بیلسٹک اور کروز میزائل داغے گئے ،چھ افرادکوبچالیاگیا

جمعرات 10 جولائی 2025 12:25

صنعا(اُردو پوائنٹ اخبارتازہ ترین - این این آئی۔ 10 جولائی2025ء)یمن کی حوثی تنظیم انصار اللہ نے بحیرہ احمر میں اسرائیل جانے والے تجارتی بحری جہاز پر میزائل حملہ کردیا جس سے جہاز کے 4 ارکان ہلاک اور 15 لاپتہ ہوگئے۔بحری جہاز ایٹرنٹی سی پر بیلسٹک اور کروز میزائل داغے گئے جس سے بحری جہاز کو شدید نقصان پہنچا اور بعد ازاں جہاز مکمل طور پر سمندر میں ڈوب گیا۔

(جاری ہے)

لائبیریا کا پرچم بردار یونانی کمپنی کا کارگو جہاز اسرائیلی بندرگاہ ایلات کی طرف جارہا تھا۔غیرملکی خبر رساں اداروں کے مطابق حوثیوں نے بچ جانے والے کئی ارکان کو اغوا کرلیا جبکہ 6 افراد کو بچالیا گیا ہے۔حوثیوں کی جاری کردہ ویڈیو میں دیکھا جاسکتا ہے کہ بحری جہاز ایٹرنٹی سی پر بیلسٹک اور کروز میزائل داغے گئے جس سے بحری جہاز کو شدید نقصان پہنچا اور بعد ازاں جہاز مکمل طور پر سمندر میں ڈوب گیا۔میڈیا رپورٹس کے مطابق لائبیریا کا پرچم بردار یونانی کمپنی کا کارگو جہاز اسرائیلی بندرگاہ ایلات کی طرف جارہا تھا۔