ارشد ندیم ایک بار پھر فٹنس مسائل کا شکار، اہم ایونٹ سے دستبردار

جمعرات 10 جولائی 2025 22:56

لاہور(اُردو پوائنٹ اخبارتازہ ترین - این این آئی۔ 10 جولائی2025ء) ورلڈ اتھلیٹکس چمپئن شپ میں سلور میڈل کے حامل اولمپین ارشد ندیم پنڈلی میں کھچا ئوکے باعث سوئٹزرلینڈ میں شیڈول ایونٹ سے دستبردار ہوگئے۔ارشد ندیم کو پنڈلی میں کھچا ئوکی وجہ سے ڈاکٹر نے بھرپور ٹریننگ سے منع کر دیا جس کے بعد اب ارشد ندیم سوئٹزرلینڈ میں شیڈول ایونٹ سے دستبردار ہوگئے ہیں۔

(جاری ہے)

ذرائع نے بتایا ہے کہ لاہور میں ٹریننگ میں مصروف ارشد ندیم کو اب ہلکی پھلکی ٹریننگ کی ہدایت کی گئی ہے۔ واضح رہے کہ ارشد ندیم اب 15 جولائی کو انگلینڈ روانہ ہو رہے ہیں، جہاں وہ پولینڈ میں 15 اگست کو ہونے والی لیگ کی تیاری کریں گے۔ یہ بھی یاد رہے کہ ارشد ندیم کا اصل ہدف اکتوبر میں جاپان میں ہونے والی ورلڈ اتھلیٹکس چیمپیئن شپ میں گولڈ میڈل حاصل کرنا ہے۔