ا*محکمہ لائیوسٹاک میں جونیئر کلرکس کی گریڈ14میںبطور سینئر کلرک ترقی

جمعرات 10 جولائی 2025 20:00

لاہور (اُردو پوائنٹ اخبارتازہ ترین - آن لائن۔ 10 جولائی2025ء) صوبائی وزیر لائیوسٹاک و زراعت سید عاشق حسین کرمانی اورسیکرٹری لائیوسٹاک جناب احمد عزیز تارڑ کی خصوصی کاوشوں سی16جونیئرکلرکس کو گریڈ11سے گریڈ14میں بطور سینئر کلرک ترقی دے دی گئی ۔

(جاری ہے)

اس سلسلہ میں آج ڈیپارٹمنٹل پرموشن کمیٹی کا اجلاس ڈائریکٹر لائیوسٹاک لاہور ڈویژن لاہور، ڈاکٹر کنور محمد نعیم کی زیر صدارت منعقد ہوا جس میںمحمد شاہد، سیکشن آفیسر (E-II)،ڈاکٹر سید محسن عباس، اسسٹنٹ ڈائریکٹر(Hqr) ، ڈاکٹربہزاد احمد درانی، اسسٹنٹ ڈائریکٹر( Tech.) ،مس ثمینہ ،اسسٹنٹ ڈائریکٹر (Stat) اور سپرنٹینڈنٹ ملک محمد اقبال دفتر لائیوسٹاک لاہور ڈیژن لاہور نے شرکت کی۔

اس موقع پر سیکرٹری لائیوسٹاک احمد عزیز تارڑکا کہنا تھا کہ محکمہ عملہ کی ترقی بارے وضع کردہ روڈ میپ پر عملِ پیرا ہے۔ مزید یہ کہ ترقی پانے والے تمام ملازمین جانفشانی سے فرائض کی انجام دہی کویقینی بنائیں۔