سائوتھ ایشیا ٹریڈ فیئر میں شرکت کے لئے درخواستیں18جولائی تک طلب

جمعہ 11 جولائی 2025 13:34

اسلام آباد (اُردو پوائنٹ اخبارتازہ ترین - اے پی پی۔ 11 جولائی2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ بنگلہ دیش میں 18 ستمبر سے شروع ہونے والی بین الاقوامی تجارتی نمائش ’’ سائوتھ ایشیا ٹریڈ فیئر ‘‘ میں شرکت کے لئے 18جولائی تک درخواستیں جمع کرائی جاسکتی ہیں ۔

(جاری ہے)

ٹی ڈی اے پی کے مطابق بنگلہ دیش کے شہر ڈھاکہ میں 18 ستمبر سے 21 ستمبر تک جاری رہے گی جس میں چائے ، کیمیکل پراڈکٹس ،جیمز، جیولری ، دستکاری ، ہربل پراڈکٹس ، ڈیری ، بیورجز ، کاسمیٹکس ، لیدر پراڈکٹس ، مصالحہ جات ، پھل ، ٹیکسٹائل ، سبزیاں ، ایپرل اور سیاحت سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔

نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔