Live Updates

سلمان علی آغا نے بابر اعظم کو فلمی ہیرو قرار دے دیا

ولن کے کردار کیلئے حارث رئوف بہترین ہوسکتے ہیں : ٹی ٹونٹی کپتان

ذیشان مہتاب جمعہ 11 جولائی 2025 15:45

لاہور (اردو پوائنٹ تازہ ترین اخبار ۔ 11 جولائی 2025ء ) قومی ٹی 20 ٹیم کے کپتان سلمان علی آغا نے بابر اعظم کو فلمی ہیرو قرار دے دیا۔

پی سی بی کی طرف سے جاری کردہ ویڈیوز میں سلمان علی آغا سے پوچھا گیا کہ اگر آپ فلم بنائیں تو کس کرکٹر کو کس رول میں لیں گی ۔

سلمان آغا نے مسکراتے ہوئے جواب دیا کہ بابر اعظم ہیرو ہوں گے، ولن کے کردار کے لیے حارث رئوف بہترین ہوسکتے ہیں۔

(جاری ہے)

انہوں نے کہا کہ حسن علی اچھے کامیڈین بن سکتے ہیں، ناکام عاشق کا کردار عبداللہ شفیق کے لیے موزوں ہوگا، سنگر فخر زمان کو لوں گا۔

سلمان علی آغا نے کہا کہ کرکٹر نہ ہوتا تو بزنس مین ہوتا، اگر کوئی جادوئی ہنر مل جائے تو چاہوں گا کہ سوشل میڈیا پلیٹ فارمز کو غائب کرادوں۔

قومی ٹی ٹونٹی کپتان نے اپنے چھپے ٹیلنٹ کے بارے میں بتایا کہ وہ اچھی شاعری کرسکتے ہیں۔ اس موقع پر انہوں نے ایک شعر بھی سنایا،

’’منتظر میرے زوال کے ہیں، میرے اپنے بھی کمال کے ہیں‘‘۔