Live Updates

پاکستان سے میچ کے بائیکاٹ کی گونج بھارتی ٹیم کے ڈریسنگ روم تک سنائی دی

گوتم گمبھیر اور سپورٹ اسٹاف کے دیگر اراکین کی بھارتی کھلاڑیوں سے بات چیت ،صورتحال کو بہتر طریقے سے سنبھالنے کا مشورہ

اتوار 14 ستمبر 2025 21:20

پاکستان سے میچ کے بائیکاٹ کی گونج بھارتی ٹیم کے ڈریسنگ روم تک سنائی ..

دبئی (اُردو پوائنٹ اخبارتازہ ترین - این این آئی۔ 14 ستمبر2025ء)ایشیا کپ 2025 میں پاک بھارت میچ سے قبل میچ کے بائیکاٹ کی گونج بھارتی ڈریسنگ روم تک سنائی دی،بھارتی میڈیا کی رپورٹس کے مطابق پاک بھارت میچ کے بائیکاٹ کی مہم نے سوشل میڈیا پر بھی زور پکڑا۔ایک رپورٹ میں یہ دعویٰ کیا گیا کہ سوشل میڈیا پر جاری بائیکاٹ مہم سے بھارتی کپتان سوریا کمار یادیو اور ان کی ٹیم کے حوصلے ماند پڑنے لگے ہیں۔

میڈیا رپورٹس کے مطابق اس معاملے کو سنبھالنے کے لیے ہیڈ کوچ گوتم گمبھیر کو خود میدان میں آنا پڑا۔

(جاری ہے)

میڈیا ذرائع کا کہنا ہے کہ پاک بھارت میچ سے قبل گوتم گمبھیر اور سپورٹ اسٹاف کے دیگر اراکین نے بھارتی کھلاڑیوں سے بات چیت کی اور صورتحال کو بہتر طریقے سے سنبھالنے کا مشورہ دیا ہے۔میڈیا رپورٹس کے مطابق ڈریسنگ روم میں معاملات کی خرابی اس وقت واضح ہوئی جب انتظامیہ نے ہیڈ کوچ گوتم گمبھیر یا کپتان سوریا کمار یادیو کے بجائے اسسٹنٹ کوچ ریان ٹین ڈوشیٹ کو ہونے والی پریس کانفرنس میں بھیجنے کا فیصلہ کیا۔

پریس کانفرنس کے دوران جب اسسٹنٹ کوچ ریان ٹین ڈوشیٹ سے پوچھا گیا کہ کیا کھلاڑی پاک بھارت میچ کے دوران اپنے جذبات کو میدان میں لے جائیں گی جس پر انہوں نے جواب دیا کہ ہاں، مجھے لگتا ہے کہ وہ ایسا کریں گے۔