میرے بچوں کو والد سے فون پر بات کرنے کی اجازت نہیں، جمائما خان

بچوں کا اپنے والد سے رابطہ بنیادی انسانی حق ہے جسے سلب کیا جا رہا ہے، بیان

جمعہ 11 جولائی 2025 17:37

لندن(اُردو پوائنٹ اخبارتازہ ترین - این این آئی۔ 11 جولائی2025ء)بانی پاکستان تحریک انصاف کی سابقہ اہلیہ جمائما خان نے کہا ہے کہ ان کے بچوں کو اپنے والد سے فون پر بات کرنے کی اجازت نہیں دی جا رہی۔

(جاری ہے)

سوشل میڈیا پرجاری بیان میں ان کا کہنا تھا کہ بانی پی ٹی آئی گزشتہ دو برس سے جیل میں ہیں اوربچوں کی جانب سے والد سے ملاقات کی کوشش پرحکومت پاکستان نے گرفتاری کی دھمکی دی۔جمائما خان نے کہا کہ ایک جمہوری ریاست میں اس طرح کی کارروائی ناقابل قبول ہے، یہ انصاف نہیں بلکہ واضح طورپرذاتی انتقام ہے۔انہوں نے کہا کہ بچوں کا اپنے والد سے رابطہ بنیادی انسانی حق ہے جسے سلب کیا جا رہا ہے، انہوں نے عالمی برادری سے بھی اس صورتحال پرتوجہ دینے کی اپیل کی ہے۔