لاہور پولیس کا جوئے کے اڈوں کیخلاف بڑے پیمانے پر کریک ڈائون کافیصلہ

ریکارڈ یافتہ ملزمان کی گرفتاریوں اورمعلومات کی مطابق جوئے کے اڈوں پر کارروائی کی جائیگی

جمعہ 11 جولائی 2025 17:59

لاہور (اُردو پوائنٹ اخبارتازہ ترین - این این آئی۔ 11 جولائی2025ء) لاہور پولیس نے جوئے کے اڈوں کے خلاف بڑے پیمانے پر کریک ڈائون کا فیصلہ کر لیا۔تفصیلات کے مطابق لاہورپولیس نے سیاسی اثرورسوخ ،بااثرافرادکی ملی بھگت اور شہر میں موجود جوئے کے اڈوں کے خلاف کریک ڈائون کی ہدایات جاری کر دی ہیں،لاہورپولیس نے انٹیلی جنس اداروں سے ملکر جوئے کے اڈوں کی لسٹیں تیار کرنا شروع کردیں۔

(جاری ہے)

پولیس حکام کے مطابق ریکارڈ یافتہ ملزمان کی گرفتاریوں اورمعلومات کی مطابق جوئے کے اڈوں پر کارروائی کی جائے گی ۔ پولیس ذرائع کے مطابق شہر میں 200 سے زائد جوئے کے چھوٹے بڑے اڈے موجود ہیں، متعدد جوئے کے اڈے، پولیس، سیاسی اثرورسوخ کی سرپرستی میں چلتے ہیں۔