حکومت پنجاب کی ہدایت پر ضلعی انتظامیہ آمدہ ایچ پی وی مہم میں اپنا بھرپور کردار ادا کرے گی،ایڈیشنل ڈپٹی کمشنراٹک

جمعہ 11 جولائی 2025 21:00

اٹک (اُردو پوائنٹ اخبارتازہ ترین - این این آئی۔ 11 جولائی2025ء)ایڈیشنل ڈپٹی کمشنر جنرل اٹک انیل سعید نے کہا ہے کہ حکومت پنجاب کی ہدایت پر ضلعی انتظامیہ آمدہ ایچ پی وی مہم میں اپنا بھرپور کردار ادا کرے گی۔انہوں نے ان خیالات کا اظہار ڈی سی افس اٹک میں اس حوالے سے اجلاس کی صدارت کرتے ہوئے کیا۔

(جاری ہے)

اجلاس میں شرکاء کو بتایا گیا کہ اس مہم کا مقصد خواتین کو سروائیکل کینسر سے بچانا ہے،یہ مہم 15ستمبر سے 27ستمبر تک جاری رہے گی،جس میں نو سے 14سال تک کی ایک لاکھ 35ہزار981خواتین کی ویکسینیشن عمل میں لائی جائے گی۔

ویکسینیشن کا عمل مکمل کرنے کیلئے 106ٹیمیں تشکیل دی گئی ہیں جو ضلع بھر کی 75یونین کونسلز میں کام کریں گی۔اس موقع پر خطاب کرتے ہوئے اے ڈی سی جی اٹک انیل سعید نے کہا کہ اس اہم مہم تمام متعلقہ محکمے اپنا بھرپور کردار ادا کریں گے ضلعی انتظامیہ اس مہم سے متعلق تمام سرگرمیوں کا جائزہ لے گی۔